Qazaqstan Respýblıkasy Joǵarǵy Sotynyń normatıvtik qaýlysy №16

2016 jylǵy 22 jeltoqsan, Astana qalasy «Sottardyń qylmystyq isterdi qysqartylǵan tártippen qaraýy týraly» Qazaqstan Respýblıkasy Joǵarǵy Sotynyń 2004 jylǵy 26 qarashadaǵy №17 normatıvtik qaýlysyna ózgerister men tolyqtyrýlar engizý týraly 1. «Sottardyń qylmystyq isterdi qysqartylǵan tártippen qaraýy týraly» Qazaqstan Respýblıkasy Joǵarǵy Sotynyń 2004 jylǵy 26 qarashadaǵy №17 norma­tıvtik qaýlysyna (Qazaqstan Respýblıkasy Joǵarǵy Sotynyń 2010 jylǵy 25 maý­symdaǵy №19 normatıvtik qaýlysymen engizilgen ózgeristerimen jáne tolyqtyrý­larymen birge) mynadaı ózgerister men tolyqtyrýlar engizilsin: 1) búkil mátin boıynsha: «QIJK-de», «QIJK-niń», «QIJK-ge» tıisinshe degen sózder «QPK-de», «QPK-niń», «QPK-ge» degen sózdermen aýystyrylsyn; búkil mátin boıynsha «363» degen sıfrlar «382» degen sıfrlarmen aýystyrylsyn; 2) 2-tarmaqta: birinshi abzasta: «Qylmystyq - is júrgizý kodeksiniń (ári qaraı – QIJK) degen sózder «Qylmystyq-prosestik kodeksiniń (ári qaraı – QPK)» degen sózdermen aýystyrylsyn; «tek onsha aýyr emes jáne aýyrlyǵy ortasha qylmystar týraly» degen sózder «onsha aýyr emes, aýyrlyǵy ortasha, sondaı-aq aýyr qylmystar týraly» degen sózdermen aýystyrylsyn; ekinshi abzasta «qoldanylýyna daý týǵyzbasa jáne» degen sózderden keıin «qysqartylǵan sotqa deıingi tergeý isteri boıynsha, sondaı-aq, kináni moıyndaý týraly prosestik kelisim nemese medıasııa tártibimen tatýlasýǵa qol jetkizý týraly kelisim jasalǵan ister boıynsha» degen sózdermen tolyqtyrylsyn; 3) 3-tarmaq mynadaı redaksııada jyzylsyn: «3. Isti qysqartylǵan tártippen qaraý týraly máseleni sot QPK-niń 382-babynyń birinshi bóliginde kórsetilgen negizderdi anyqtaǵannan keıin, isti óndiriske qabyldaǵan kezde ózi, sondaı-aq bas sot talqylaýynyń basynda, taraptardyń pikirin eskere otyryp, sheshedi. Sottyń sheshimi basty sot talqylaýyn taǵaıyndaý týraly qaýlylarda jazylady nemese sot talqylaýynyń barysynda tikeleı jarııalanady.»; 4) 4-tarmaq mynadaı redaksııada jazylsyn: «4. Eger basty sot talqylaý barysynda prokýror asa aýyr qylmysty jasady degen aıypty basqa onsha aýyr emes qylmys jasady degen aıypqa ózgertse, sot sot otyrysyn qysqartylǵan tártippen júrgizý týraly máseleni qaraýǵa tıis. Taraptar isti qysqartylǵan tártippen qaraý týraly ótinishhat bergen jaǵdaıda isti is júrgizýge qabyldaý kezinde jáne oǵan QPK-niń 382-babynyń birinshi bóliginde kórsetilgen negizder bolǵan kezde isti aldyn ala tyńdaý QPK-niń 321-babynyń talaptaryna sáıkes júrgiziledi.»; 5) 5-tarmaq alyp tastalsyn; 6) 6-tarmaqta: birinshi abzasta «299-300» degen sıfrlar «319, 320» degen sıfrlarmen aýystyrylsyn; 2, 3, 4, 5 - abzastardy tıre belgisimen belgileý alyp tastalsyn; besinshi abzasta «aldyn ala tergeý» degen sózderden keıin «,sotqa deıingi jedeldetilgen tergep-tekserý júrgizý, kináni moıyndaý týraly prosestik kelisim, medıasııa tártibimen tatýlasýǵa qol jetkizý týraly kelisim jasasý» degen sózdermen tolyqtyrylsyn; 7) 7-tarmaq mynadaı redaksııada jyzylsyn: «7. Sottyń isti qysqartylǵan tártippen qaraý týraly sheshimi basty sot talqylaýyn taǵaıyndaý týraly qaýlylarda, nemese basty sot talqylaýynda jeke qujat retinde, nemese ony sot otyrysynyń hattamasyna engize otyryp, jazylady.»; 8) 8-tarmaqta: birinshi abzas mynadaı redaksııada jazylsyn: «Sot talqylaýyn qysqartylǵan tártippen júrgizý kezinde sot tergeýi QPK-niń 382-babynyń ekinshi bóligine sáıkes júrgiziledi. Bul rette basqa dáleldemelerdi jarııalaý jáne zertteý talap etilmeıdi, óıtkeni olardy eshkim daýlamaıdy jáne olar nanymdylyǵy, qatystylyǵy jáne jol beriletindigi boıynsha tanylady. Sot jaryssózi men istiń qaralýyn aıaqtaý sot jaryssózi júrgizilmeıtin jáne sottalýshy sońǵy sózdi sóılemeıtin, medıasııa tártibimen tatýlasýǵa qol jetkizý týraly kelisim jasalǵan isterdi qospaǵanda, QPK-niń 383, 384, 385, 386-baptarynda belgilengen qaǵıdalar boıynsha júrgiziledi.»; úshinshi abzas alyp tastalsyn; mynadaı mazmundaǵy tórtinshi abzaspen tolyqtyrylsyn: «Eger ol is boıynsha tarap bolyp tabylmaıtyn basqa adamdardyń quqyqtary men zańdy múddelerin qozǵaıtyn mán-jaılardy zertteýdiń jan-jaqtylyǵyna, tolyqtyǵy men obektıvtiligine áser etetin bolsa, sot talqylaýy qysqartylǵan tártippen júr­gizilýi múmkin emes.»; 9) 9-tarmaqta: «363-babynyń tórtinshi bóliginiń» degen sózder «382-babynyń úshinshi bóliginiń» degen sózdermen aýystyrylsyn; «366» degen sıfrlar «385» degen sıfrlarmen aýystyrylsyn; mynadaı mazmundaǵy ekinshi, úshinshi jáne tórtinshi abzastarmen tolyqtyrylsyn: «Isti sotta is júrgizýge qabyldaý satysynda basty sot talqylaýyn taǵaıyndaýǵa kedergi keltiretin qylmystyq-prosestik zańnamanyń eleýli buzýshylyqtary anyqtalsa, al sotqa deıingi jedeldetilgen tergep-tekserý, kináni moıyndaý týraly jasalǵan prosestik kelisimi bar ister boıynsha da jáne basty sot talqylaýy barysynda da osy buzýshylyqtar anyqtalsa, sot olardy joıý úshin ýájdi qaýlymen QPK-niń 323-babynyń tártibimen isti prokýrorǵa qaıtarady. Sotqa deıingi jedeldetilgen tergeý isteri boıynsha, kináni moıyndaý týraly jasalǵan prosestik kelisimi bar ister boıynsha basty sot talqylaýy barysynda anyqtalǵan qylmystyq-prosestik zańnamany eleýli buzýshylyqtar dep sotty ony júrgizý múmkindiginen aıyratyn buzýshylyqtardy tanyǵan jón. Atap aıtqanda, sotqa deıingi jedeldetilgen tergeý isteri boıynsha basty sot talqylaýyn júrgizýge QPK-niń 190-babynyń altynshy bóliginde kózdelgen negizder, kináni moıyndaý týraly jasalǵan prosestik kelisimi bar ister boıynsha, QPK-niń 613-babynda kórsetilgen sharttardyń buzylýy kedergi bolýy múmkin.»; 10) 10-tarmaqta: úshinshi sóılemder mynadaı redaksııada jazylsyn: «Aıryqsha jaǵdaılarda bul merzim QPK-niń 382-babynyń ekinshi bóligine sáıkes sýdıanyń ýájdi qaýlysymen jıyrma táýlikke deıin uzartylýy múmkin.»; mynadaı mazmundaǵy ekinshi abzaspen tolyqtyrylsyn: «Is qaraý merzimderdi uzartýdyń negizderi sottalýshynyń, jábirlenýshiniń kelmeýi; taraptardyń zalaldy óz erkimen óteý úshin merzim berýge ótinishhat berýi; prosestik kelisim jasasý týraly ótinishhat berý jáne t.b. bolýy múmkin.»; 11) 12-tarmaq mynadaı mazmundaǵy ekinshi sóılemmen tolyqtyrylsyn: «Qysqartylǵan tártippen qaralǵan ister boıynsha shaǵymdardy, sottyń úkimderine, qaýlylaryna narazylyqtardy apellıasııalyq tártippen qaraýdy sýdıa jeke-dara júzege asyrady.»; 12) 13-tarmaqta: «jáne qadaǵalaý shaǵymdar» degen sózder «shaǵymdar, kassasııalyq ótinishhattar,» degen sózdermen aýystyrylsyn; ekinshi sóılem alyp tastalsyn; 13) mynadaı mazmundaǵy 13-1, 13-2-tarmaqtarmen tolyqtyrylsyn: «13-1. Qazaqstan Respýblıkasy Qylmystyq kodeksiniń (budan ári – QK) 55-babynyń úshinshi bóligine sáıkes jedeldetilgen sotqa deıingi tergep-tekserý boıynsha qylmystyq isterdi qysqartylǵan tártippen qaraý kezinde jasalǵan qylmys úshin jazanyń merzimin jáne mólsherin QK-niń Erekshe bóliginiń tıisti babynda kózdelgen jazanyń neǵurlym qatań túriniń eń joǵary merziminiń nemese mólsheriniń jartysynan asyrýǵa bolmaıdy. 13-2. Kináni moıyndaý týraly jasalǵan prosestik kelisimi bar qylmystyq ister arnaıy norma bolǵandyqtan, QPK-niń 64-taraýynyń talaptaryn saqtaı otyryp, kelisimdik is júrgizý tártibimen sheshiledi. Yntymaqtastyq týraly prosestik kelisimi bar ister qysqartylǵan tártippen qaralýǵa jatpaıdy jáne QPK-niń 51-taraýyna sáıkes sot sheshimderin oryndaý satysynda sheshiledi.». 2. Qazaqstan Respýblıkasy Konstıtýsııasynyń 4-babyna sáıkes osy normatıvtik qaýly qoldanystaǵy quqyq quramyna qosylady, jalpyǵa birdeı mindetti bolyp tabylady jáne alǵash resmı jarııalanǵan kúninen bastap qoldanysqa engiziledi. Qazaqstan Respýblıkasy Joǵarǵy Sotynyń Tóraǵasy Q.MÁMI Qazaqstan Respýblıkasy Joǵarǵy Sotynyń sýdıasy, jalpy otyrys hatshysy Q.ShAÝHAROV