2 aqpanǵa arnalǵan aýa raıy

Búgin elimizdiń basym bóliginde turaqsyz aýa raıy saqtalady, keı jerlerde qar jaýady. Respýblıkanyń ońtústik, ońtústik-shyǵysynda jaýyn-shashyn kútiledi. Jekelegen aýmaqtarda tuman, kóktaıǵaq bolyp, burqasynmen birge jeldiń kúsheıýi kútiledi. Bul týraly «Qazgıdromet» RMK habarlady. Qostanaı oblysynyń  keı jerlerinde  jaıaý burqasyn, tuman kútiledi, kúndiz basym bóliginde jel 15-20 m/s kúsheıedi. Aqmola, Soltústik Qazaqstan oblystarynyń keı aýmaqtarynda jaıaý burqasyn, tuman bolyp, jeldiń ekpini 15-20 m/s artady. Qaraǵandy, Pavlodar oblystarynyń jekelegen jerlerinde jaıaý burqasyn, tuman bolýy múmkin. Atyraý, Batys Qazaqstan oblystarynyń keı aýmaqtarynda burqasyn soǵyp, jeldiń jyldamdyǵy 15-20 m/s jetedi. Almaty oblysynyń keı jerlerinde tuman, kóktaıǵaq kútiledi, Jalańashkól aýdanynda jel 17-22 m/s kúsheıedi. Jambyl, Ońtústik Qazaqstan oblystarynyń keı jerlerinde tuman, kóktaıǵaq bolady, sondaı-aq, tańerteń jáne kúndiz jel 15-20 m/s kúsheıedi. Qyzylorda oblysynyń jekelegen aýmaqtarynda tuman, kóktaıǵaq kútiledi. Mańǵystaý oblysynyń keı jerlerinde kóktaıǵaq, burqasyn bolyp, jel 15-20 m/s artady. Aqtóbe oblysynyń  keı aýmaqtarynda jaıaý burqasyn bolýy yqtımal, jel 18 m/s kúsheıedi. Shyǵys Qazaqstan oblysynyń keı jerlerinde jaıaý burqasyn júrip, túnde jáne tańerteń tuman bolady, jeldiń ekpini 15-20 m/s artady.