Stanımır Stoılov «Astanadan» ketýi múmkin

Bolgarııalyq «Levskı» klýbynyń basshysy Spas Rýsev kelesi jyly komandasyna «Astana» klýbynyń bas jattyqtyrýshysy Stanımır Stoılovty shaqyrýǵa nıettenip otyr. Bul týraly ol Sportal.bg portalyna bergen suhbatynda málimdedi, dep habarlady vesti.kz. «Rasynda, biz Stoılovty komandaǵa shaqyrýǵa nıettimiz. Biraq, bul isti bıyl emes, keler jyly júzege asyrýǵa tyrysyp kóremin. О́z basym burynǵy bapkerimiz Lıýbko Petrovıchtiń ujymnan ketkenin qalaǵan joqpyn. Kerisinshe, onyń maýsym sońyna deıin jumysyn jalǵastyrsa dep edim. Venger nemese Fergıýson sekildi mamandar qyzmet etse úlken armanymnyń biri oryndalǵan bolar edi. Al qazirgi Elın Topýzakov bizben birge uzaq bolady dep oılamaımyn.», – deıdi Rýsev suhbatynda. Aıta keteıik, Stanımır Stoılov 2003-2008 jyldar aralyǵynda «Levskı» komandasyn jattyqtyrǵan edi. Al «Astanaǵa» 2014 jyldan bastap jetekshilik etip keledi. Bapkerdiń kelisimsharty 2017 jyldyń 31 jeltoqsanynda aıaqtalady.