Shymkentte otandyq taýar óndirýshilerdiń kórmesi ótti

Búgin Shymkentte ótip jatqan «Qazaqstan-Túrkııa ınvestısııalyq forýmynyń» ekinshi kúni aıasynda 50-den astam otandyq taýar óndirýshilerdiń kórmesi ótti, dep habarlady OQO ákiminiń baspasóz qyzmeti. Sharaǵa oblys ákimi Janseıit Túımebaev, salaǵa jaýapty jetekshiler men túrik delegasııasynyń quramyndaǵy 200-ge jýyq kásipkerler jáne otandyq bıznesmender, sonymen birge, óńirimizge arnaıy issaparmen kelgen QR Parlamenti Májilisiniń depýtattary Baqtyqoja Izmuhambetov, Ersultan Bekturǵanov, Fahrıddın Qarataev, Káribaı Musyrman, Qudaıbergen Erjan, Muhtar Erman jáne Janat Jarasovtar qatysty. «Búgin Sizderge qosymsha óńirimizdegi eń tartymdy ınvestısııalyq jobalarmen qatar, memlekettik-jekemenshik seriktestik jobalaryn da kórsetetin bolamyz. Sonymen birge, oblysta ınvestorlarǵa kórsetiletin qyzmetpen de tanysasyzdar. Mańyzdy sharaǵa kásipkerlerge barlyq kezde de qoldaý bildiretin qarjylyq damý ınstıtýttary da arnaıy qatysýda. Bul ınfraqurylymdyq, qarjylyq jáne servıstik qoldaýlar memleket tarapynan kórsetiletinin aıta ketken jón. Sizderge ózderińizdiń jobalaryńyzǵa qatysty suraqtaryńyzdy qoıýlaryńyzǵa tolyq múmkindik bar», - dedi aımaq basshysy. Potensıaldy túrik kásipkerlerine óńirdiń ınvestısııalyq ahýaly men ónerkásip kásiporyndarynyń ónimderin tanystyrýdy, sol arqyly ózara tıimdi seriktestikti ornatyp, nyǵaıtýǵa múmkindik jasaýdy maqsat tutqan kórmede otandyq kompanııalardyń tamaq ónerkásibi, farmasevtıka, medısınalyq jabdyqtar óndirisi, qurylys materıaldaryn óndirý (rezına men plastıkalyq ónimderi, keramıka jáne t.b.), mashına jasaý, jıhaz, jeńil ónerkásip (kilem, arnaıy kıim, balalar mekteptik forma, úıge arnalǵan toqyma buıymdary, erlerge, áıelderge jáne balalarǵa arnalǵan kıimder, shulyq buıymdar men aıaq-kıim) salalaryndaǵy ónimder usynyldy. Aıta ketý kerek, munda qoıylǵan ónimderdiń basym bóligi Qazaqstannyń ındýstrııalandyrý baǵdarlamasy sheńberinde iske qosylǵan kásiporyndarynda óndiriledi. Al usynylǵan 20-dan astam ınvestısııalyq jobalar logıstıka jáne kólik, ónerkásip jáne aýyl sharýashylyǵy, energetıka, mádenıet jáne týrızm salalaryna qatysty boldy.