Qazaqstannyń kólik salasynan túsken salyqtyq túsimder 145,9 mlrd teńgeden asty

«QazAvtoProm» odaǵy sońǵy 5 jylda Qazaqstannyń kólik salasynan túsken salyqtyq túsimderdiń qarqyny týraly málimetter usyndy, dep xabarlaıdy QazAqparat. 2012-2016 jyldary Qazaqstan qazynasyna túsken salyq kólemi 145,9 mlrd teńgeni quraǵan. Salyqtyq túsimder eń kóp túsken kezeń 2014 jylǵa kelgen - 43 mlrd. teńge. Eń az kórsetkish 2012 jyly tirkelip otyr - 16,1 mlrd. teńge. Bes jyldyq kezeńniń qorytyndysy boıynsha, salanyń eń iri salyq tóleýshisi «Bıpek avto» - «Azııa avto» xoldıngteri atanyp otyr. Onyń úlesine barlyq salyqtyń 40,1%-y nemese 58,6 mlrd. teńge tııýde. Odan keıin Toyota Motor Kazakhstan (16%; 23,4 mlrd teńge), KMK Astana Motors (14%; 20,5 mlrd teńge), Mercur Auto (4,3%; 6,3 mlrd teńge), Avtomır (3,8%; 5,6 mlrd teńge) tur. Top ondyqqa Kaspıan Motors (2,8%; 4,1 mlrd teńge), Vıraj (2%; 3 mlrd teńge), Nomad Motors (2%; 2,9 mlrd teńge), Allur Auto (1,9%; 2,8 mlrd teńge) jáne Ýral-Krov (1,8%; 2,6 mlrd teńge) kirgen. Aıta keteıik, «QazAvtoProm» Qazaqstannyń avtomobıl kásiporyndary odaǵy» 2015 jyly quryldy jáne elimizdiń avtomobıl ındýstrııasynyń barlyq qatysýshylaryn biriktiredi. Onyń úlesine Qazaqstan kólik ónerkásibi shyǵarǵan óniminiń 60%-y kiredi.