Aqtóbede avtobeketter az

«О́tkenniń bári jasyq emes, búginginiń bári asyl emes». Ke­ńestik kezeńde respýblı­kamyz­dyń barlyq aýdandarynda tıptik úlgidegi avtobeket­ter bolýshy edi. Elimiz jańa menshik qatynastaryna kóshken kezde onyń bári joıylyp ketti. Birqatarynyń qyzmet túri jekeshelendirilgennen keıin ózgerse, taǵy biri ıesiz qaldy. Búginginiń bıigi­nen kóz tastaǵanda aýdan orta­lyq­tary men eldi mekenderde avtobeketterdiń qajettiligi aıqyn baıqalyp otyr. О́ıtkeni, tur­ǵyndar tarapynan baǵasy qoljetimdi avtobýs qyzmetin paı­­dalanýǵa degen suranys bu­ryn­ǵy deńgeıden óse tús­pese, bir mysqal kemimegeni baıqalady. О́ıtkeni, jurttyń bári birdeı taksımen nemese jeke avtokóligimen júrmeıtini beseneden belgili. Sondyqtan qazirgi kezde ár­túrli jaǵdaılarǵa baılanys­ty joıylyp ketken avto­beket­­terdi qaıtadan qalpyna kel­tirý qajet­tiligi týyndap otyr. Mysaly, Aqtóbe aıma­ǵynda jalǵyz ǵana avtobeket jumys isteıtinine kóz jetkizdik. Onyń ózi oblys ortalyǵynda ornalasqan. Al aýdan ortalyqtarynda jibi túzý avto­beket joq ekenin nemen tú­sin­dirýge bolady? Qazirgi naryq­­tyq qarym-qatynastar jaǵ­­daıynda ony ornyqtyrý men qaı­ta jańǵyrtýdyń joldary qandaı bolmaq? Ashyǵyn aıtqanda, búginde iri eldi mekenderde bolýǵa tıisti avtobeketterdiń ornyn kassa núkteleri atqaryp tur. Munymen is ońǵaryla ma? Ekonomıst mamandardyń málimdeýinshe, avtobeket úl­gisindegi qurylymdar men­shik ıelerine tek paıda, tıim­dilik ákeletin nysandar qata­ryna kiredi. Endeshe, osy múm­kindikti jiberip almaýdyń joldaryn izdestirý jón bolmas pa? Tipti, alysqa barmaı-aq, atalǵan máseleni jolaýshy tasymaldaýshylardyń esebinen de sheshýge bolatyny talas týǵyz­baıdy. Sondaı-aq, jer­gilikti ókiletti organdar bıznes ókilderimen or­taq uıǵarymǵa kelý arqyly ­avtobeket nysandaryn turǵyza ala­tynyna shák keltirmeımiz. Bul ara­da bar gáp – izdeniste, istiń kó­zin taba bilýde bolsa kerek. Turǵyndarǵa kórsetiletin qandaı qyzmet túri bolmasyn, búgingi kún talaptarynan keıin qal­maýy, ásirese, ser­vıstik qyzmet deńgeıi joǵa­ry bolýy qajet. Al el ishin­de baıaǵy keńestik kezeńde jıi paıdalanylǵan sary tústi, salony qurqyltaıdyń uıasyndaı tar «pazıkterdiń» tútini býdaq­tap, áli júrgenine qalaısha qyn­jylmassyń. Aqtóbe óńirinde de mundaı kórinister kezdesip qalady. Iаǵnı menshik ıeleri ártúrli jaýap­kershiligi shekteýli serik­testikter men aksıonerlik qo­ǵam­dardyń avtobýs parkterin jań­ǵyrtýǵa nemquraıly, selqos qaraıtynyn kórsetedi. Temir QUSAIYN, «Egemen Qazaqstan» AQTО́BE