Ana men bala ólimine kináliler jaýap beredi

Atyraýda ana men bala óli­mine sebepshi bolǵan dárigerler jaýapkershilikke tartylady. Bul týraly oblystyq máslıhat sessııasynda aımaqtyń bas dá­rigeri Amanbek Jumyrov baıan­dady. О́tken jyldyń jel­toqsan aıynda Inder aýdanynyń 32 jastaǵy turǵyny Gúldana Je­kenova ob­lys ortalyǵynda ná­res­tesimen birge qaı­tys bol­ǵan edi. Artynda jary men úsh balasy qaldy. Qaıǵyly oqı­ǵadan keıin marqumnyń ot­basy men týma-týystary aq ha­lattylardyń ústinen sha­ǵym­dandy. Osy jaǵdaı boı­yn­sha táýelsiz sarapshylar ju­­mys júrgizip, medısına qyz­metkerleriniń tarapynan kemshilikter bolǵanyn kórsetti. Bul máselemen oblystyq ishki ister depar­tamenti aınalysyp jatyr. «Jylyoı, Mahambet, In­der aýdan­darynda bes ana ólimi tirkeldi, – dedi ob­lys­tyq densaýlyq saqtaý bas­­­qarmasynyń basshysy A.Jumyrov. – Onyń ekeýi onko­logııalyq, úsh jaǵdaı ınfek­sııanyń aýyr túri saldarynan boldy. Qazir aımaqtaǵy gınekolog, reanımatolog mamandar qaıta oqytylyp, biliktilikterin kóterip jatyr». Jalpy, medısına salasynyń mate­rıaldyq-tehnıkalyq damýyna ótken jyly 1 mlrd teńgeden astam qarjy bólingen edi. Atalǵan qarjyǵa jedel járdem kólikteri jańartyldy. «Kezeksiz emhana» júıesi en­gizildi. Dárigerlik kómek kórsetý sapasy jyl saıyn jaqsaryp kele jatqanymen, problemalyq tustar áli de bar. Qazirdiń ózinde oblysqa 111 dáriger qajet. Baqytgúl BABASh, «Egemen Qazaqstan» ATYRAÝ