Raqymshylyqqa ilikkender jumyssyz qalmaıdy

Hakim Abaı jumysy joq­tyq adam balasyn azdy­ryp jiberetinin aıtyp ket­ti emes pe?! Esh ýaqytta eskir­meıtin, máni men mańyzyn joǵalt­paıtyn qundy sóz osyndaı-aq bolar. Bir oıdy ekinshi bir oı qozǵaıdy. Dúnıege perishtedeı pák kúıinde kelgen adam ke­ıin nege qylmys jasaıdy? Onyń basty sebebiniń biri – jumys­syzdyq desek aqıqattan attamaımyz. Qylmystyń aty – qylmys. Kim de bolsa jasaǵan qylmysynyń jeńil, orta jáne aýyr delinetin túrlerine qaraı tıisti jazasyn almaq. «Bıdaıdyń baratyn jeri – dıirmen» degendeı, qylmys jasaǵandardyń baratyn jeri – qylmystyq atqarý júıesi bolmaq. Bıyl osyndaı oryndarda jazasyn ótep júrgenderdiń birqatar bóligine raqymshylyq jasaldy. Bostandyqqa shyq­qan­nan keıingi olardyń taǵ­dy­ry qandaı bolmaq? Qaıta­dan qatelikke urynyp júr­meı me? Bir nárse aıqyn. Bas bostandyǵynan aıyrý oryn­darynan bosatylǵandar tıisti jumyspen qamtylsa, bulaısha alańdaýǵa negiz joq. Sondyqtan da onyń ózekti­ligin tereń túısine bilgen Aqtóbe oblystyq jumys­pen qamtý jáne áleýmettik baǵ­dar­lamalar basqarmasy raqym­shylyqqa ilikkenderdi jumyspen qamtý sharalaryn belgilep júzege asyrýda. Atalǵan basqarma basshysy Qaırat Otarovtyń aıtýynsha, bul qatardaǵy azamattardyń tizimderi Aqtóbe qalasyndaǵy jáne oblys aýdandaryndaǵy jumyspen qamtý ortalyqtaryna joldan­ǵan. Kóńilge medeý tutarlyq jáıt. Olarǵa qaıta oqytý jáne jumysqa ornalastyrý múmkindikteri usynylyp otyr eken. Sirá, bárekeldi degen qoshtaý men qostaý sezimi dál osyndaı jaǵdaıda bildiriletin shyǵar. Naqty derekter bıylǵy jyly mamandyqtaryn qaıta daıarlaýǵa joldanatyn 757 adamnyń arasynda raqymshylyqqa ilikkender de az emes ekenin kórsetedi. Bul ózi óte názik shetin másele deýge bolady. Azamattyq tártip pen rejimnen qol úzip qalǵandar eshteńege selt etpeı, qolyn bir-aq silteýi ábden múmkin. Mun­daıda olar­men ortaq mámilege kele al­sańyz jaq­sy, al eger bulaı bolmaǵan jaǵ­daıda izgi nıet birden aıaqqa taptalmasy­na kim ke­pil? Árıne, mundaı teris kóriniske jol ber­meýdiń basty joly ózara únqatysý ǵoı. Mun­daı dıalog, ásirese, bas bostandyǵynan aıyrý oryndarynan azap ómirge oralýǵa ázir­lenip jatqandar úshin óte qajetti ekeni aıan. Osy oraıda Aqtóbe aımaǵynda bıyl­ǵy jyly qylmystyq atqarý júıesi depar­tamenti, Aqtóbe qalalyq jumyspen qamtý jáne áleýmettik baǵdarlamalar bóli­mi birlesip uıymdastyrǵan belsendi is-sharalar kesheni naqty nátıje bere bas­taǵa­nyn aıtý paryz. Osy oraıda azamat­tyq ómirge qaıtadan attanǵaly otyrǵan­dar­men suraq-jaýap úlgisinde ótkizilgen kez­de­­sýlerdiń paıdasy mol bolǵany baı­qalady. Jyl basynan beri jumyspen qamtý orta­lyqtaryna osy másele boıynsha raqym­shylyqqa ilikkender men jazasyn tolyq ótegender, sondaı-aq, probasııa qyzmetiniń esebinde turǵan tulǵalar tıisti ótinishter bildirýi – aldyńǵy pikirimizdiń basty dáleli. Búgingi kúni atalǵan sanattaǵy 172 adam jumysqa ornalastyrylypty. Al 6 adam qaıta daıarlaýǵa jiberilgen. Tipti, bos­­tandyqqa shyqqandardyń arasynda «Jumyspen qamtýdyń-2020» baǵdarlamasy aıasynda shaǵyn nesıe alyp, óz kásibin ash­qandar da bar bolyp shyqty. Qysqasy, qazir óńirde bas bostandyǵy­nan aıyrý oryndarynan bosatylǵan jáne probasııa qyzmetiniń esebinde turǵan­dar memlekettiń tıgizgen shapaǵatyn sezi­nip otyr deı alamyz. Búgingi kúni olarǵa qa­tysty áleýmettik ońaltý boıynsha júr­gizilip kelgen jumystar odan ári jalǵasýda. Aqtóbe óńirinde raqymshylyqqa ilikkender jumyssyz qalmaıdy dep naqty tujyrym jasaýymyzdyń basty mánisi de osynda. Temir QUSAIYN, «Egemen Qazaqstan» AQTО́BE