О́te oryndy boldy

«Egemen Qazaqstan» gazetiniń 2017 jyly qańtardyń 5 jul­dyzynda jaryq kórgen «Álippe neden aıypty boldy?» maqalasy oıyma qozǵaý saldy. О́zim mek­tepte orys tili pániniń muǵa­li­mimin. Árıne, Bilim jáne ǵy­lym mınıstr­liginiń jańa oqý baǵ­­dar­­lama­syna jańa reforma engiz­ge­nine qarsy emespiz, damyǵan el­der­diń qataryna qosylý úshin bala­lar­dyń jańa zaman talabyna saı sapaly bilim alǵanyn ustazdar da, ata-analar da qoldaıdy. Shyny kerek, tehnologııanyń ǵaryshtap damyp jatqan zamanynda saýatsyz bala bar dep aıta almaısyń. Shyndyqty aıtý kerek, árbir ata-ana balaǵa planshet nemese smar­t­fon alyp beredi, besikten áli beli shyqpaǵan bala sol tele­fon­nyń qalaı ashylatynyn, qaı jerde qandaı fýnksııasy bar ekenin jaqsy biledi. Ol telefondardyń ishine qazaqsha sózdikter, árip­terdi, sandardy qaıtalaıtyn baǵ­dar­lamalar engizilgen. Keıbir balalar sanaýdy, áripterdi jazýdy sodan úırenedi. Degenmen barlyq bala birdeı emes. Mysaly, ata-analar ul-qyzdaryn balabaqshaǵa beredi, keıbiri ata-ájeleriniń tár­bıesinde bolady. Osy jerde bala-baqshaǵa barǵan balamen, barmaǵan balanyń arasynda, aspan men jerdeı aıyr­mashylyq bolady. Barlyq bala mektep qabyrǵa­synda 1-synyptyń tabaldyryǵyn attaıdy, osy jerde teńdik paıda bolady,mektep tabaldyryǵyn at­ta­ǵan búldirshin ádettegideı «Álip­peni» úırenedi, 42 áripti úırengen búldirshin «Álippemen» qoshtasý saltanatty keshine daıyndalady, bul bala úshin ómirindegi qyzyqty ári qýanysh­ty sátterdiń biri. Sol úshin de 1-synypqa «Álippe» oqý­ly­ǵynyń qaıta en­gizý óte oryndy. Saǵyndyq JAQSYMBETOV, Ústirt orta mektebiniń muǵalimi Mańǵystaý oblysy, Beıneý aýdany