Mańyzdy qadamdy birge talqylady

Qaraǵandy oblysyna Parlament Májilisiniń depýtattary Elbasynyń «Qazaqstannyń Úshinshi jańǵyrýy: jahandyq básekege qabilettilik» atty Joldaýyn túsindirý maqsatymen keldi. Halyq qalaýlylary – Zań­nama jáne sot-quqyqtyq reforma komıtetiniń múshesi Nurlan Ábdirov pen «Nur Otan» partııa­sy fraksııasynyń múshesi Meı­ram Pishembaev «Maker» JShS-niń fılıaly – «Qaraǵandy quıý-mashına jasaý» zaýytynyń ju­myskerlerimen kezdesti. Áńgi­me Memleket basshysynyń Jol­daýynda kórsetilgen damýdyń jańa kezeńine daıyndyq jasaý jumystary, sonymen qatar, Elba­synyń bılik ókilettikterin qaıta bólý jónindegi Úndeýin talqylaýdan bastaý aldy. – Biz búgin, Elbasymyzdyń Qazaqstan damýynyń jańa baǵyt­taryn belgilep bergen Joldaýyna baılanysty jáne sonymen birge, qańtardyń aıaǵynda jarııalaǵan Úndeýine qatysty Qaraǵandy shaharyna at basyn burdyq. Osy eki úlken másele boıynsha óńir turǵyndarymen kezdesip, túsindirý sharalaryn bastap kettik. Basty baıqaǵanym, atalǵan bastamalardy halyq qoldap otyr. О́ıtkeni, Qazaqstan qoǵamyn damytý – negizgi maqsat ekenine kóz jetkizýde, – dedi N.Ábdirov. Depýtattar endi Shet aýdanyna jolǵa shyqpaq. El­ba­synyń «Qazaqstan-2050» stra­te­gııasynda aıqyndaǵan úlken maqsat – álemdegi eń damyǵan mem­leketterdiń ozyq otyz­dyǵyna ený. Osy jolda aýyl sharýa­shy­lyǵy salasyn alǵa shyǵa­ryp, usaq sharýalardy koopera­tıvke birik­tirý jobasy asa mańyzdy ekeni belgili. El senimdileri osy jáne basqa da qordaly máselelerdi ordaly keńeste ortaǵa salmaq. Atalǵan is-sharaǵa qatysqan jumyskerlerdiń ishinde zaýyt­taǵy ınjener-tehnolog, mashına jasaý salasynyń jas mama­ny Sheraly Bekbolatov kóre­gen Kóshbasshynyń ultty bir maq­satqa biriktirý kezeńindegi kezekti Joldaýyn bar ynta-yqy­lasymen oqyp, tanysqan yntaly maman eken. Ol: «Jaqynda ǵana zaýytymyzǵa Chehııadan jańa qurylǵy ákelindi. Biz bul zaýytqa sıfrlyq-baǵdarlamalyq zaman­aýı qurylǵylarǵa baǵdar­lama jazý úshin maman retinde qa­byl­dandyq. Osy sala boıynsha Reseıde bilim aldym. О́ndiristi avtomattandyrý óz kezeginde zaýyttyń ónimdiligin eń joǵary deńgeıge jetkizedi dep esepteımin. Elbasymyzdyń Joldaýy elimizdiń qaryshtap damýyna septigin tıgizedi. Jastar artylǵan senimdi tolyq aqtaıdy dep senim bildiremin», – dedi. Halyq qalaýlylary Qara­ǵan­dynyń shalǵaıdaǵy eldi meken­derin bir apta kóleminde aralamaq. Mıras ASAN, «Egemen Qazaqstan» QARAǴANDY