Jahandaný jolynda

Elbasy N.Á.Nazarbaev­tyń «Qazaqstannyń Úshinshi jań­ǵyrýy: jahandyq báse­kege qabilettilik» atty taqy­ryppen jarııalanǵan 2017 jylǵy Qazaqstan halqyna Jol­daýymen tanysa otyryp, elimizdiń keshegi, búgingi jáne bolashaqtaǵy damý joldary týraly tereń aqparat alasyz. Eýrazııa keńistigindegi ózi­niń tarıhı ornyn anyqtap, nebári 25 jyl ishinde damý men turaqtanýdyń erekshe úlgisin kórsetken jas mem­le­ketimizdiń bolashaqqa jasaǵan nyq qadamdary nátıjeli boldy. Eli úshin týǵan Elbasy qaharman halqyn jasam­pazdyq pen jańǵyrý jolynda erlikke, tabysqa toly belesterge bastady. Tarıh taǵylymyna tereń úńiletin bolsaq, osydan shırek ǵasyr buryn keńes dáýiriniń «qursaýynan» bosap shyqqan tutas bir ulttyń, tutas bir halyqtyń aldynda jańasha damýdyń jolyn tańdaý mindeti turdy. Bul óte jaýapty kezeń edi. Degenmen, el basqarǵan erlerimizdiń batyl áreketteriniń, ultymyz ben halqymyzdyń birligi arqasynda arman jolyn adaspaı taýyp, erteńgi jarqyn bolashaǵymyzǵa degen berik senimimizdi tý etip, namys pen baqyt jolynda ja­lyn­dap janyp, búgin búkil álem tany­ǵan irgeli memlekettiń irgetasy berik qalandy. Jahandaný joly – tarıh pen ýa­qyt­tyń úlken syny. Al eger tarazy basyn­da bútindeı bir ult pen tutas halyq­tyń taǵdyry men memleket bolyp qalyptasýdyń jańasha jolyn tań­daý­dyń kezeńi tursa, munan úlken jaýap­kershilik, munan úlken syn bola qoımas. Bizdiń halqymyz ejelden erekshe jaratylǵan halyq dep esepteımin. Yqy­lym zamannan beri, «tar jol, taı­ǵaq keshý» dáýirlerinde, ǵasyrlar toǵy­synda ydyrap ketpeı, kerisinshe, taǵdyr «qazanynda» qu­rysh­taı qaınap, ózderine ǵana tán ulylyq pen iriliktiń, bir­liktiń arqasynda ár kezde Aq týdyń astynda bas qosyp, endi, mine, búginde táýelsizdik týynyń jelbiregen aq tańyna da aman-esen jettik emes pe. Elbasy Joldaýynyń árjolyn tolqymaı otyryp oqý, tereń mazmuny men baıan­dy maǵynasyna qanyqpaı qabyldaý múmkin emes. О́ziniń tarıhı erekshelikteri bar jańǵyrýdyń birinshi kezeńin abyroı­men aıaqtap, Elbasy batyrlyq pen ba­tyldyqtyń jańa úlgisin tanytyp, jańǵyrýdyń ekinshi kezeńin – «Qa­zaq­stan-2030» strategııalyq baǵdar­la­masyn jarııalady. Bul kezeńde de syndardan súrinbeı, qaharman halqy qoshtap, Elbasy «As­tana» dep ataǵan elordamyzdyń salynýy arqyly memleketimizdiń damý men turaqtaný jolynyń qanshalyqty aıshyqty ekenin búkil álemge pash etti. Qazaqstan Respýblıkasynyń álem jurtshylyǵy aldynda halyqaralyq dárejedegi bedeli kúnnen-kúnge artyp, damyǵan elderdiń qatarynan óziniń tarıhı ornyn tabý jolyn taısalmaı tańdady. Búgingi tirligimizge baǵa bermeı, bolashaǵymyzdy baǵamdamaı, josparly sharalar uıymdastyrmaı alǵa jyljý múmkin emes. «100 naqty qadam» Ult jospary naqty strategııalyq qadamdardy aı­qyn­daıtyn, tolaǵaı jetistikterge bastaı­tyn tarıhı qujat retinde ádil baǵa­lanady. Qazaqstan Respýblıkasynyń álem­degi ekonomıkasy damyǵan 50 eldiń qata­rynan kórinýi – eren eńbektiń, halyq­tyń myzǵymas birliginiń úlken jeńi­si. Aldymyzda munan da zor, munan da bıik mindetter tur. Ol – damy­ǵan 30 eldiń ortasynan óz ornymyz­dy taýyp, óskeleń urpaqtyń, uldarymyz ben qyzdarymyzdyń jarqyn bola­sha­ǵyna dańǵyl jol ashý, ulttyq qun­dylyqtarymyzdy joǵaltpaı, so­lar­dyń qolyna dańqty estafetamyzdy ta­bystaý mindeti. Atalǵan asqaraly armanǵa jetýdiń joldary Elbasynyń týǵan halqyna arnalǵan Joldaýynda anyq kórsetilgen, jete saralanǵan. El ekonomıkasynyń áleýetin arttyrý, halqymyz úshin baı­lyq pen molshylyqtyń sarqylmas qo­ryn daıyndaýdyń tetikteri, olardy jú­zege asyrýdyń baǵyttary aı­qyn­daldy. Jahandyq básekege qabilettilik jo­lynda ekonomıka salasyndaǵy tabystarymyzben qatar, elimizdiń saıası, áleýmettik ómirindegi ózgeristerge de úlken mán berilýde. Qazirgi ýaqytta qoǵamda Elbasynyń Qazaqstan Respýblıkasynyń Ata Zańy­na bılik tarmaqtarynyń arasyndaǵy ókilettikterdi bólý máselelerine qa­tysty ózgerister engizý týraly Úndeýi qyzý talqylanýda. Respýblıka Prezıdentiniń keıbir ókilettikterin qysqarta otyryp, Par­lament pen Úkimettiń ókilettikterin keńeıtý arqyly memleketti basqarýdyń jańa, tyń joldaryn anyqtaýǵa batyl qadam jasaý – demokratııa qaǵı­dat­taryna saı qurylǵan, anyq quqyqtyq, zaı­yrly memleketke tán tarıhı bet­burys retinde baǵalanady. Memlekettik bıliktiń derbes salasy – sot bıliginiń búgingi jáne er­teńgi damý joldaryn eldiń, halyqtyń da­mý joldarynan, taǵdyrynan bólek qaras­tyrý múmkin emes. Qazaqstan Respýb­lıkasynda azamattardyń quqyqtary men bostandyqtaryn naqty, zańdarda kórsetilgen joldarmen qorǵaýdyń kepili retinde qurylǵan táýelsiz sot júıesi, eń aldymen, táýelsizdigimizdiń jemisi. Elbasy Joldaýynda «Sot júıesine degen senimniń artýyna qol jetkizý qajet» dep anyq aıtylǵan. Otandyq sot júıesi sońǵy jyldary atalǵan abyroıly mindetti oryndaý, Qazaqstan halqynyń senimin aqtaý jolynda aıtýly tabystarǵa qol jetkizdi. Respýblıkamyzdyń sot júıesiniń bedeli halyqaralyq qatynastarda da tıisti dárejede baǵalanyp, ózindik qoltańbasy aıqyndalýda. Qol jetken tabystarmen shektelýge bolmaıdy. О́tken aptada Asta­na qalasynda bolyp ótken respýb­lıka sot júıesiniń 2016 jylǵy jumy­synyń qorytyndysyna arnalǵan keńeı­ti­l­gen keńeste Joǵarǵy sot tóra­ǵasy Q.Mámı salanyń aldynda tur­ǵan mindetteri men maqsattary týra­ly naqty tapsyrmalar berdi. Birin­shi kezekke sot bıligine halyqtyń qolje­tim­diligin, zańnyń ústemdigin qamtamasyz etý mindetteri qoıyldy. Sot júıesiniń zańdarda kórsetilgen joldarmen qyzmet atqarýy Elbasynyń bastamasymen júrgizilip jatqan reformalyq prosesterdiń oryndalýyna, tabysty júzege asýyna tikeleı áser etedi. Súıikti Otanymyz ben jasampaz halqymyz jańǵyrý men jańarýdyń úshinshi kezeńine senimmen aıaq basty. Biz tarıhtyń syndarynan súrinbeı ótken, baılyq pen baqyttyń qadir-qasıetin tereń túsinetin, birliktiń bastaýynan sýsyndaǵan, júrekteri elim dep soqqan erlerdiń qaharman erlikterine súısingen, ataly sózderine toqtaǵan, máýeli báıterektiń saıasynda mamyrajaı ómir súrýge jaralǵan halyqtyń urpaǵymyz. Ulanymyz – namysty uldarymyz ben kórikti qyzdarymyz, uranymyz – Máń­gilik El bolý. Saıyn dalamyzdyń samal jeli bizdiń jigerimizge jiger qosady, boıy­myzǵa kúsh-qýat beredi, talabymyzdy ushtaıdy. Jańǵyrý jolyndaǵy sátti qadam­dary­myz jahandyq básekelestikke qabilet­tiligimizdi arttyratyn aıqyn jol eke­nin tereń túsinemiz. Jarııalanǵan Joldaýdyń jasam­pazdyǵy halqymyzdyń eren eńbegi men myzǵymas birliginiń nátıjeleri bolýǵa tıis. Baǵlan MAQULBEKOV, Qazaqstan Respýblıkasy Joǵarǵy Sotynyń sýdıasy