Úkimette Elbasynyń qatysýymen keńeıtilgen otyrys ótýde

Astanada Memleket basshysy Nursultan Nazarbaevtyń qatysýymen Úkimettiń keńeıtilgen otyrysy ótýde. Úkimet otyrysynda Premer-mınıstr Baqytjan Saǵyntaev Prezıdentke jyldyń basy mańyzdy oqıǵalarǵa toly bolǵanyn aıtty. "Biz osy aptadaǵy sizdiń Joldaýyńyzda aıtylǵan mindetter men tapsyrmalardy oryndaýǵa kirisip kettik. Úkimettiń arnaıy otyrysyn ótkizip, ekonomıkalyq ósimniń jańa modelin jasaý úshin is-sharalar josparyn belgiledik. Joldaý boıynsha ár tapsyrmaǵa jaýapty adamdardy bekittik", dedi Premer-mınıstr Nursultan Nazarbaevqa. «Úkimet saıası reformany Sizdiń tapsyrmańyzǵa  sáıkes iske asyrýdy bastady.  Osyǵan oraı memlekettik bılik tarmaqtary arasynda ókilettikti bólý boıynsha tıisti zań jobasy daıyndalyp  jatyr. Sonymen qatar EKSPO-2017 kórmesine de ázirlik jumystary aıaqtalýǵa  jaqyn. Halyqqa jasaǵan úndeýlerińizde berilgen tapsyrmalaryńyzdy buljytpaı oryndaý jumysymyzdyń eń basty mindeti.  Úkimet Sizdiń senimińizdi joǵary  baǵalaıdy jáne Sizdiń aldyńyzdaǵy úlken jaýapkershilikti barynsha sezinemiz», - dedi Baqytjan Saǵyntaev. Esterińizge sala ketsek, qańtar aıynda Memleket basshysy respýblıkalyq telearnalar arqyly eki ret málimdeme jasady. Al Prezıdenttiń Qazaqstan halqyna Joldaýy 31 qańtar kúni "Egemen Qazaqstan" gazetinde jarııalandy.