DSM dárilerdi elektrondy satýdy engizbek

Astanada QR Densaýlyq saqtaý mınıstri Eljan Birtanovtyń basshylyǵymen Medısınalyq qyzmetterdiń sapasy boıynsha biriktirilgen komıssııanyń otyrysynda Densaýlyq saqtaý mınıstrligi dárilerdi elektrondy túrde satýdy engizýdi josparlap otyrǵandyǵyn aıtty. «Memleket basshysy «Qazaqstannyń úshinshi jańǵyrýy: jahandyq básekege qabilettilik» atty Qazaqstan halqyna joldaýynda  densaýlyq saqtaý salasynda mindetti áleýmettik medısınalyq saqtandyrý júıesin engizý; MÁMS júıesinde jeke medısınalyq uıymdarǵa teń múmkindikter berý; densaýlyq saqtaý júıesin qajetti aqparattandyrýmen qamtamasyz etý jáne barlyq dárilik zattardyń baǵalaryn zańdy túrde retteý  boıynsha naqty tapsyrmalar bergedi», - dedi E.Birtanov. «Atalǵan tapsyrmalardy oryndaý maqsatynda memlekettik organdardyń, sonymen qatar, qoǵamdyq birlestikterdiń kúshin biriktirýimiz qajet», - dedi Eljan Birtanov. «Máselen, dárilik zattardyń baǵasyn retteý salasynda dárilerdi elektrondy túrde reseptimen taǵaıyndaý máselelerin qarastyrý kerek. Bul pasıentter tarapynan beıresmı tólemderdiń oryn almaýy úshin, sonymen qatar, azamattardyń densaýlyǵy men ómirine qaýip tóndireýge ákeletin dárilik zattardy baqylaýsyz qoldanbaý maqsatynda jasalmaq», - dep atap aıtty ol. «Sonymen qatar, ÚEU-men jumys jandandyrylyp, densaýlyq saqtaý salasyn aqparattandyrý máselelerin sheshýde jańa ınnovasııalyq tásilderdi qoldaný boıynsha   komıssııanyń qyzmeti keńeıtiletin bolady», - dedi mınıstr. Komıssııa otyrysynda «magnıttik-rezonanstyq-tomografııalyq-úılesimdi kardıoverter-defıbrılıator ımplantasııasy», «Ekspress densaýlyq» apparattyq-baǵdarlamalyq kesheni arqyly mektep oqýshylary densaýlyǵyn dıagnostıkalaý» jáne t.b. medısınalyq tehnologııalardy baǵalaý nátıjesi qarastyryldy. Esterińizge sala keteıik, «100 naqty qadam» Ult josparynyń 82 qadamyn oryndaý maqsatynda Medısınalyq qyzmetterdiń sapasy boıynsha biriktirilgen komıssııa quryldy. Komıssııany qurýdaǵy negizgi maqsat -  emdeý hattamalaryn, medısınalyq bilim berý standarttaryn jetildirý arqyly medısınalyq qyzmet kórsetýdiń úzdik standarttaryn engizý, dári-dármekpen qamtamasyz etý, medısınalyq qyzmetterdiń qoljetimdiligi men olardyń sapasyn baqylaý.