2017-2019 jyldary qaraǵandylyq jetim balalarǵa 213 páter beriledi

2017-2019 jyldary qaraǵandylyq jetim balalarǵa 213 páter beriledi, dep habarlady oblys ákimdiginiń baspasóz qyzmeti. «Búginde oblysta jetim balalarǵa arnalǵan 25 uıym jumys istep tur. 1274 adam memleket qamqorlyǵyna alynǵan, olardyń 262 jetim balalar. Ata-ana qaraýynsyz qalǵan 1012 bala bar. Ata-ana qamorlyǵynsyz qalǵan balalardy áleýmettendirý maqsatynda keshendi sharalar atqarylýda. Bul sharalardyń basty mindetteriniń biri – jetimderdi baspanamen qamtamasyz etý», - delingen habarlamada. 2014 jáne 2016 jyldar aralyǵynda 510 páter bólingen, olardyń 314 nemese 62% memlekettik turǵyn úı qorynan bólinse, basqasy «Eńbekti jol kartasy -2020», «Aýdandardy damytý 2020», «Qoljetimdi baspana – 2020» baǵdarlamalary aıasynda bólingen. Jalpy osy kórsetilgen ýaqyt ishinde 194 páter bólinbeı qaldy. Bul Temirtaý, Balqash, Jezqazǵan, Shahtınsk, Nura, Shet, Qarqaraly, Abaı, Jańaarqa, Ulytaý, Aqtoǵaý aýdandaryndaǵy jumys kóleminiń jetkilikti oryndalmaýy saldarynan bolǵan. Qaraǵandy ákimdigi janyndaǵy kámelet jasyna tolmaǵandar isi jónindegi komıssııa otyrysynyń hattamalyq tapsyrmasyna saı, Jastar isi jónindegi basqarma tarapynan jetim balalardy jáne ata-ana qamqorlyǵynsyz qalǵan balalardy pátermen qamtamasyz etýdiń 2017-2019 jyldarǵa arnalǵan keshendi jospary daıyndaldy. Bul boıynsha, 2017-2019 jyldary 213 páter bólý josparlanýda, olardyń ishinde 79 páter 2017 jyly, 2018 jyly 64 páter, 2019 jyly 70 páter bólinedi. Aıta ketý kerek, jetim balalar jáne ata-ana qamqorlyǵynsyz qalǵan balalar sanatynda memlekettik turǵyn úı qoryna kezekke turǵan azamattardyń sany 6730 adam. Budan bólek, Keshendik josparda bólingen turǵyn úıdi saqtaý, jaldamaly pátermen qamtamasyz etý jáne turǵyn úı bólýdiń monıtorıngin júrgizý qarastyrylǵan.