«Barlyǵy jarmasyp, jekeshelendirýdi tejep keledi. Barlyǵymyz memlekettik ekonomıkanyń úlesi az deńgeıde bolýy kerektigine kelisetin sekildimiz. Biz Ekonomıkalyq yntymaqtastyq jáne damý uıymy deńgeıi boıynsha 15 paıyzdy aıqyndadyq. Bul kórsetkishke birden shyǵý múmkin emes shyǵar, biraq ta jyl saıyn tıisti mejege jetý kerek qoı?! Meniń tapsyrmam boıynsha vedomstvolyq baǵynyshty uıymdardy qaıta túgendeý júrgizildi. Onyń nátıjesinde memlekettik menshikte 7 myń uıym men kásiporyndar jumystaryn jalǵastyrýda.
Osy oraıda keıbir mınıstrlikter vedomstvoǵa baǵynyshty uıymdardy bergisi kelmeıdi degen pikir qalyptasýda. Ne úshin?» - dedi N.Nazarbaev. Osy oraıda Prezıdent Úkimetke «Yellow pages» qaǵıdasyna sáıkes qalýy tıis uıymdar men kásiporyndardyń tolyq tizimin daıyndaýdy tapsyrdy. «Eger de uıym memlekettik múlik quramynda saqtalsa, onda osy nysan ne úshin qalyp otyrǵanyna naqty túsinik berińizder. Neden qorqamyz? Osy tizimge enbegenderdiń barlyǵyn jekeshelendirý kerek nemese 2020 jylǵa deıin joıý qajet. Budan buryn bekitilgen jekeshelendirýdiń keshendi josparyn 2020 jylda emes, 2017-2018 jyldary júzege asyrý kerek, ıaǵnı eki jyl ýaqyt berilip otyr», - dep túıindedi sózin Memleket basshysy.
