Ispen jaýap berilmek

Memleket basshysy N.Á.Nazarbaevtyń «Qazaqstannyń Úshinshi jańǵyrýy: jahandyq básekege qabilettilik» atty Qazaqstan hal­qy­na Joldaýyn iske asy­rý maqsatynda Aqtóbe oblysy ak­tı­viniń jınalysy ót­ki­zildi. Qazirdiń ózinde óńir­­de jyldyń bas­ty qujatyn taldap túsindirýdiń keń aý­qym­dy is-sharalary be­kitildi. Memleket basshy­sy Qazaq­s­tan hal­qy­na el úshin má­ni men ma­ńy­zy asa joǵary eki jaǵ­­daı­ǵa baılanysty sóz ar­na­­­dy. Onyń birinshisi buǵan de­ıin Pre­zıdenttiń qolynda sho­­ǵyrlanyp kelgen birqatar óki­lettikterdi bıliktiń taǵy bir ­tarmaqtary –Úkimet pen Par­­l­a­ment­ke aýystyrý máse­le­­lesine ar­naldy. Onyń elimiz úshin tarıhı mańyzy bar. Odan keıin Elbasy Qazaqstan hal­qyna bıylǵy Jol­daýyn ja­rııa etti. Ár jyl saıyn Qazaqstan halqy Pre­zıdent Jol­daýyn eleń­dep kútetini dás­túrge aına­lyp keledi. Osy oraı­da, bıyl­ǵy Joldaýǵa tán bas­ty erek­she­likter – elimizdiń báse­ke­ge qabilettiligin kóterýge ar­nalǵany, ınnovasııa men ja­ńa tehnologııalardy engizýge ba­­sy­mdyq bergeni deýge bolady. Aktıvte sóz alǵan aqtóbe ob­lys­ynyń ákimi Berdibek Saparbaev óz sózin osy arnadan sabaqtady. Qazirgi kúni Aqtóbe aıma­ǵyn­­d­a Memleket bas­shysynyń ber­gen tapsyrmalaryn jedel ári sapaly túrde oryndaý maq­sa­tynda irgeli isterdi jol­ǵa qoıý belgilengen. Ásirese, so­­nyń ishinde geologııalyq bar­­laý jumystaryn odan ári jandandyrýǵa basa kó­ńil bó­lin­gen. Prezıdent Jol­daý­y­n­­da aýyl sharýa­shylyq koope­­ratıvterin qurý isine ja­­ńa b­etburys jasaý kerektigi kór­­setilgen. Sondaı-aq, ónimdi óń­deý kórsetkishteri deńgeıin kó­­terý kózdelgen. Búgingi kúni oblys­ta 104 kooperatıv qurylǵan. Al taıaý ýaqytta óńir­de aýyl sharýashylyq koope­ratıvteri negizinde sút já­ne et ónimderin óńdeý sehtaryn qu­rý belgilenip otyr. Sonymen birge, aımaqta aýyl sharýashylyǵy salasy­na jańa tehnologııalardy shu­ǵ­yl engizý jáne sýarmaly jer­lerdiń kólemin kóterý jó­ninde de aıqyn maqsat qoı­ylǵan. Eger naqty derekter­ge súıensek, 2015 jyly onyń kó­lemi 12 myń gektar qu­rasa, ót­ken jyly bul aýmaq 18 300 gektarǵa deıin ulǵaıǵan. Mu­nyń syrtynda 19 500 gektar jerdiń qunaryn kóterý men qalpyna keltirý jóninde jo­balaý-smetalyq qujattar ja­salǵan. Al aldaǵy 2018 jy­ly oblysta sýarmaly al­qap­tardyń aýmaǵyn 40 myń gektarǵa deıin ulǵaıtý kóz­del­gen. Temir QUSAIYN, «Egemen Qazaqstan» AQTО́BE