Máni – mazmunynda

Ulttyq akademııalyq kitaphanada Memleket basshysy N.Nazarbaevtyń «Qazaqstannyń úshinshi jańǵyrýy: jahandyq básekege qabilettilik» Qazaqstan halqyna joldaýyn talqylaý boıynsha kezdesý ótti. Sharaǵa zııaly qaýym ókilderi, ǵalymdar, elimizdiń bas kitaphanasynyń qyzmetkerleri men oqyrmandary qatysty. «Prezıdent Nursultan Nazar­baev­tyń Joldaýynda el aza­mattarynyń áleýmettik jaǵ­daı­yn jaqsartý týraly naqty aı­tylady. Bul maqsatqa sáıkes, Úki­metke zeınetaqylar, túrli áleý­mettik tólemderdiń deń­geı­in joǵarylatý, áleýmettik-eko­nomıkalyq salany jańǵyrtý boıynsha mindetter júktelip otyr. Búgingi tańda Qazaqstan álem­niń básekege qabiletti ozyq 50 eliniń qatarynda, alaıda, aldymyzda úzdik otyzdyqqa ený maqsaty tur. Sondyqtan biz­der – qazaqstandyqtar bilim deń­geı­i­mizdi, quqyqtyq jáne qar­­jyl­yq saýattylyǵymyzdy jo­ǵa­­ry­la­typ, jan-jaqty damýymyz qa­jet, ásirese, bul – jastarǵa qarap aıty­latyn sóz», dedi Strategııalyq josparlaý, ǵy­lym jáne menedjment qyz­me­tiniń bas­shysy, saıası ǵylymdar dok­tory Natalıa Kalashnıkova. Sondaı-aq, ol Joldaýdyń pra­g­­matıkalyq baǵyttaǵy st­ra­­­­te­gııalyq qujat retindegi m­­a­­­­ńy­zyna toqtalyp ótti. «El­ Prezıdenti qoǵamǵa ekonomıkalyq damýdyń jańa modelin qurý týraly naqty min­det qoıyp, bolashaǵyn boljaı bilgen, qıyndyqtardan qash­­paı, olardy ótkere bilgen ha­­lyq sońynda jeńimpaz bola­tyn­­­dyǵyn atap kórsetti», dedi N.Kalashnıkova. Sonymen qatar, ol bul Prezıdent óziniń sarabdal saıa­­saty arqyly dáıektilikpen j­úzege asyryp kele jatqan baı­yp­ty da órshil Joldaý bolyp tabyla­tynyn aıtty. «Joldaýǵa engen jańa saıası, qoǵamdyq mańyzdy termınder alda júzege asyrylýy tıis bolatyn biregeı modeldiń dáleli bolyp tabylady», dedi Natalıa Pavlovna. Ulttyq akademııalyq kitap­ha­nanyń jas mamany Jámıla Zaıyrova áriptesiniń pikirine qol­­­­daý kórsete kelip, bylaı de­di: «Men jáne meniń otan­das­­­ta­rym úshin osy Joldaý aıa­­synda myń­daǵan ja­ńa ju­mys oryn­darynyń ashy­­la­tyn­dy­­ǵy erekshe qýa­nysh­ty jaǵ­daı. О́ıtkeni, bul kóp­te­gen qa­zaq­stan­dyqtar úshin ja­ńa múm­kin­dik­terdiń paıda bo­la­tyn­dy­ǵyn bil­diredi». Eń bastysy, biz Joldaýda kórsetilgen mindetterdiń júzege asýyna jaýaptymyz, dedi ol.