Búginde Azamattarǵa arnalǵan úkimet arqyly 546 memlekettik qyzmet qoljetimdi. Jańa qyzmetterdiń basym bóligin Aýyl sharýashylyǵy, ulttyq ekonomıka mınıstrlikteriniń jáne QR ınvestısııalar jáne damý mınıstrliginiń qyzmetteri qurady, dep habarlady «Azamattarǵa arnalǵan úkimet» memlekettik korporasııasy» kommersııalyq emes aksıonerlik qoǵamy baspasóz qyzmeti.
Memlekettik korporasııada aýylsharýashylyq ónimderin óndirisin basqarý júıesin damytýdy sýbsıdııalaýdy, AО́K (agroónerkásip kesheni) salasynda daıyndaý uıymyn akkredıtteýdi, qurylys obektileri josparlaryn keshendi vedomstvoishilik saraptaý júrgizýge úmitker zańdy tulǵalardy akkredıtteýdi, QR rezıdenti bolyp tabylmaıtyn jáne QR aýmaǵynda ınvestısııalyq qyzmetti júzege asyratyn tulǵalarǵa nvestorlyq vızalar alýǵa qoldaýhat berýdi rásimdeýge bolady.
«Azamattarǵa arnalǵan úkimet» memlekettik korporasııasy arqyly bul qyzmetterdi kórsetý memlekettik kórsetiletin qyzmetter tizilimin ózgertkennen jáne «HQKO» yqpaldastyrylǵan aqparattyq júıesine (HQKO YAJ) ózgerister engizgennen keıin múmkin bolyp otyr. Endi azamattardyń bul qyzmetter úshin memlekettik oorgandarǵa júginý qajettigi joq. Demek, atalmysh qyzmetterdi memlekettik korporasııanyń basqa qyzmetteri sııaqty aptasyna 6 kún saǵat tańǵy 8.00-den keshki 20.00-ǵa deıin túski úzilissiz alýǵa bolady.
Sondaı-aq, ahýaldyq ortalyqtyń baqylaýynsha, halyqqa qyzmet kórsetý ortalyqtarynda sońǵy kezderi azamattardy ýaqytsha tirkeý qyzmeti boıynsha oryn alǵan kezek sany edáýir azaıǵan. Jyl basynan bastap 400 myńnan astam adam ýaqytsha tirkeýden ótken.
