Astanada 2017 jyly «Jumyspen qamtý jol kartasy 2020» baǵdarlamasynyń ornyna jańa nátıjeli jumyspen qamtýdy jáne jappaı kásipkerlikti damytý baǵdarlamasy iske asyrylatyn bolady, dep habarlady qala ákimdiginiń resmı saıty.
Ol qatysýshylardy tehnıkalyq jáne kásiptik bilimmen jáne qysqa merzimdi kásiptik oqytýmen qamtamasyz etedi. Baǵdarlama sheńberinde eńbek naryǵynda suranysqa ıe mamandyqtar boıynsha 1550 adamdy oqytý josparlanýda. Budan bólek, jańa baǵdarlama sheńberinde áleýmettik jumys oryndaryna, jastar praktıkasyna jáne qoǵamdyq jumysqa 2780 adamdy qamtý josparlanýda. Bul týraly Astana qalasynyń halyqty jumyspen qamtý ortalyǵynda jumys izdep júrgen oqý oryndarynyń túlekterine arnalǵan trenıng barysynda málim boldy.
Sonymen qatar, trenıng aıasynda Ortalyq mamandary iskerlik qarym-qatynas daǵdylaryn, suhbattasýdy sátti ótýdiń, túıindemeni durys qurýdyń qupııalarymen bólisti. Túlekter arasyndaǵy jumyssyzdyqtyń negizgi sebebi, olardyń eńbek naryǵyna alǵash shyǵýy bolyp tabylady.
Aıta keteıik, Astana qalasynda belsendi is-sharalardy qoldaný 2016 jyldyń 3 toqsanynda jastar arasyndaǵy jumyssyzdyqtyń deńgeıin 4,6%-ǵa tómendetýge kómektesti, 1 toqsanmen salystyrǵanda 1% ǵa tómendetildi.
