Qazaqstan qorjyny taǵy bir qola medalmen tolyqty. Jańa ǵana Medeý muzaıdynynda aıaqtalǵan konkıden 1000 metr qashyqtyqta jerlesimiz Ekaterına Aıdova qola júldege qol jetkizdi.
Eń úzdik nátıje kórsetken Reseı sportshysy Aleksandra Kachýrkına (1:19:10) altyn medalǵa ıe bolsa, ekinshi orynǵa ońtústikkoreıalyq Kım Hıýn-Iýn (1:19:19) kóterildi. Úzdik úshtikti Ekaterına Aıdova (1:19:53) túıindedi.
«Jospardy oıdaǵydaı oryndaı aldym dep aıta alamyn. Aýa-raıynyń qolaısyzdyǵyna qaramastan, alǵashqy aınalymdy durys júgirip óte almadym. Ekinshi aınalymda nátıjemdi jaqsartyp, jeńimpazdar qatarynan kóringenime qýanyshtymyn. Men bul kórsetkishpen toqtap qalmaımyn. Erteń komandalyq esepte jaqsy nátıje kórsetýge talpynamyz», dedi E.Aıdova.
Esterińizge sala keteıik, buǵan deıin E.Aıdova 1500 metr qashyqtyqqa júgirýden qola júldeger atanǵan bolatyn.
Almas Manap, "Egemen Qazaqstan"
Sýretterdi túsirgen avtor
