Marat dosymnan ne sebepten saqınańdy osyndaı nusqada jasattyń dep suraǵanymda: – Túrkııa elinde óz ulttyq naqyshtarynda túrli áshekeıler jasap, qulaqtaryna syrǵa, qoldaryna júzik taǵyp alyp júretin túrikterdi kóp kórdim. Men de osylaı óz Otanymnyń týynyń sýretin saqınama qoıamyn dep sheshtim. Sodan tapsyrys berip jasattym, endi osy saqınama qaraǵan saıyn týǵan elim, Otanym oıyma oralady. Suraǵan adamdarǵa men qazaqpyn, bul meniń elimniń kók týy dep maqtanyshpen aıtamyn.
Áke-sheshem «Qazaqtyń kók týy bizdiń ar-namysymyz, ol árqashanda joǵaryda bolý kerek!», dep úıretken jáne de áli de úıretip, aıtyp júredi, men de ony bolashaqta óz balalaryma úıretemin. Árıne, týymyz eń aldymen júrekte bolý kerek, ony qatty qurmettep, súıýimiz kerek! – dep jaýap berdi. Shet elde, jat jerde júrgen qandasymyzdyń ár sózinen eline degen súıispenshilik, saǵynysh, patrıottyq sezimi anyq baıqalady. Endeshe, kók týymyzdy baǵalap, joǵary ustaı bileıik, aǵaıyn!
Qymbat KEREIBAI
Astana
