Strategııalyq sıpatqa ıe

Memleket basshysy Nursultan Nazarbaev «Qazaqstannyń Úshinshi jańǵyrýy: jahandyq básekege qabilettilik» atty Qazaqstan halqyna Joldaýynda elimizdiń jańa áleýmettik-ekonomıkalyq jáne saıası betburystarǵa qadam basqanyn málimdedi. Elimiz Táýelsizdik alǵan­nan keıingi aralyqta kópte­gen qurylymdyq ózgerister­di júze­ge asyryp, asa mańyz­dy nátı­jelerge qol jetkizdi. Al Elbasy Joldaýynda alǵa qoıyl­ǵan mindetter men maq­sattar osy 25 jyl ishindegi tabystardyń zańdy jalǵasy bolyp tabylady. Prezıdent Joldaýy uzaq merzimdi strategııalyq sıpat­qa ıe. Onda syrtqy ekonomıkadaǵy qubyl­maly áserler kezinde qoǵamnyń ál-aýqatyn arttyrýǵa baǵyttalǵan keshendi shara­lar qamtylǵan. Jańa jahandyq talaptardy nazarǵa ala otyryp, qazirgi tańda eldiń ishki áleýetin kúsheıte túsý kezek kúttirmeıtin másele deýge bolady. Osy maqsatta Prezıdent ornyqty ekono­mıkalyq ósimge, ulttyq ekonomıkany tehnologııalyq jańǵyrtýǵa, iskerlik ortany jaqsartýǵa, makroekonomıkalyq turaqtylyqty qamtamasyz etýge, adamı kapıtaldy sapalyq turǵyda arttyrý­ǵa, sonymen qatar, ınstıtýttyq qaıta qurýǵa, sybaılas jemqorlyqqa qarsy nátı­­jeli kúres júrgizýge baǵyttalǵan basym­­dyq­tardy atap kórsetti. Joldaýda aıtylǵandaı, kólik-logıs­tı­kalyq ınfraqurylymdy jańǵyrtý, aýyl sharýashylyǵy, qurylys, shaǵyn jáne orta bıznes syndy salalardy damytý ulttyq ekonomıkany alǵa súıreıdi. Eldiń azyq-túlik qaýipsizdigin qamtamasyz etýdiń negizi sanalatyn agro­óner­kásip kesheniniń Qazaq­stan ekonomıkasy úshin qan­sha­lyqty zor mańyzǵa ıe ekendigi sońǵy jyldary aı­qyn baıqaldy. Sol sebep­ti, aldaǵy ýaqytta da agro­óner­kásip keshenin odan ári damytý kózdelip otyr. Koopera­tıv­terdiń rólin kúsheıtý, shıki­zatty tereńdetip óńdeý ári ony saqtaý sapasyn jaqsartý, tasymaldaý men ótkizý, egistik jerlerdi keńeıtý, agrarlyq ǵylymı zertteýlerge ınvestısııany kóptep bólý syndy naqty sharalar aýyl sharýashylyǵy salasynyń jahandyq básekege qabilettiligin ar­t­tyrýǵa yqpal etedi degen oıdamyn. Osy oraıda, qazirdiń ózinde Qazaqstan aýyl sharýashylyǵy sektorynyń áleýeti boıynsha aldyńǵy qatarly elderdiń biri sanalatynyn aıta ketý kerek. Jalpy, Konstıtýsııaǵa ózgerister engizý jónindegi usynystar Úshin­shi jań­ǵyrý­da alǵa qoıylǵan mindet­ter men maq­sattarǵa qol jetkizýge óte tıimdi yqpal etetini anyq. Qazirgi tańda Qazaqstan jańa saıası, ekonomıkalyq, áleýmettik damýdyń qarsańynda tur dep sanaımyn. Anna ALShANSKAIа, Qazaqstan Prezıdenti janyndaǵy Strategııalyq zertteýler ınstıtýtynyń ǵylymı qyzmetkeri