Mindet belgilenip, maqsat aıqyndaldy

Halqymyz Táýelsizdik tańyna deıin talaı qıyn kezeń­derdi bastan keshti. Mem­leketti qalyptastyrý, ultty saqtaý máseleleri tóńiregin­de de kóptegen jumystar at­qaryldy. Elbasy Nursultan Nazarbaev Táýelsizdiktiń shırek ǵasyrlyq tarıhynda taǵdyrly kezeńder qalyp­tas­tyryp, ulttyń aldyna mańyz­dy mindetter men aıqyn maq­sattar qoıa bildi. Nátıjesinde elimiz damýdyń dańǵyl jolyna túsip, álemdik arenada óziniń tarıhı ornyn ıelendi. Kúni keshe ǵana Memleket basshysy Nursultan Nazarbaev Qazaqstan halqyna «Qazaqstannyń Úshinshi jańǵyrýy: jahandyq básekege qabilettilik» atty Joldaýyn jarııalady. Joldaýda aıtylǵan mańyzdy mindetter men aıqyn baǵyttar elimizdiń odan ári damýyna erekshe serpin bereri anyq. Mańyzdy qu­jatta Elbasy Qazaqstan 2050 jylǵa qaraı álemdegi eń aldyńǵy qatarly 30 mem­lekettiń qataryna qosylýǵa tıis eke­nin atap kórsetti. Sonymen qatar, Nursultan Ábishuly jańa ındýstrııalar qalyptastyrýdyń mańyzdy sharty ınnovasııany qoldaý jáne olardy óndiriske tezirek engizý bolyp sanalatynyn da aıtty. Búgingi tańda Jambyl oblysynda óndiris sala­laryn basqarý baǵdarlamalary aıtar­lyqtaı júzege asyp keledi. Bul da óz keze­ginde elimizdiń óndiristik salasyn damytýǵa erekshe áser etetini sózsiz. Taǵy bir aıta keterlik mańyzdy jaıt, Elbasy Qazaqstannyń óz ınvestısııalyq strategııasy bolýǵa tıis ekenin de málimdedi. Bul da keleshekte elimizdiń óndiris, ındýstrııa salalaryn damytýǵa erek­she serpin beredi. Sondaı-aq, Elbasynyń nazarynan aýyl sharýashylyǵy, áleýmet, bilim berý, densaýlyq saqtaý salalary da tys qalyp kór­gen emes. Atalǵan salalardy odan ári damytý maqsatynda Memleket basshysy Úkimetke naqty tapsyrmalar berdi. Elimiz, ásirese, adam ómirin jáne onyń quqyǵyn qorǵaýdy erekshe basshylyqqa alyp keledi. Bul oraıda Elbasynyń qadamy quptarlyq. Sondaı-aq, Joldaýda adamı kapıtal sapasyn jaqsartýǵa da erekshe nazar aýdarylǵan. Nursultan Ábishuly adamı kapıtal sapasynyń jaqsarýy bilimge tikeleı baılanysty ekenin de aıtyp otyr. Ásirese, qoǵam úshin túıtkildi máselege aınalyp kelgen qala men aýyl mektepteri arasyndaǵy bilim berý sapasynyń alshaqtyǵyn azaıtý qajettigi týraly tapsyrmasy da ózekti. Elbasynyń ár Joldaýy – elimiz úshin de, jerimiz úshin de mańyzdy. Sebebi, naqty mindetter belgilenip, maqsattar aıqyndalady. Tolaıym tabysqa qol jetkizý úshin de asqan aýyzbirshilik pen tynyshtyq kerek. Bul turǵyda elimiz álemge beıbitsúıgish qalpymen de úlgi kórsetip keledi. Muqash ESKENDIROV, «Qazfosfat» JShS bas dırektory, Qazaqstannyń Eńbek Eri Jambyl oblysy