Múddelestikten – áriptestikke

Memleket basshysy Nur­sultan Nazarbaev Qazaq­stan­ǵa resmı saparmen kelgen Pákstan Islam Respýblı­ka­sy­nyń Premer-mınıstri Saıed Iýsýf Reza Gılanımen kezdesti, dep habarlady Qa­zaq­stan Respýblıkasy Pre­zı­dentiniń baspasóz qyzmeti. Aqordada ótken kezdesýdiń res­mı rásiminen keıin kelis­sóz­der júrgizildi. Qazaqstan Prezıdenti Nursultan Nazarbaev pen Pákstan Islam Respýblıkasy­nyń Premer-mınıstri Saıed Iýsýf Reza Gılanı halyqaralyq jáne aımaqtyq uıymdardaǵy eki­jaqty ózara is-qımyl men ynty­maqtastyqtyń ózekti máselelerin talqylady. – Men sizben Qazaqstanda kezdesip turǵanyma óte qýanysh­ty­myn. Bul – sizdiń birinshi sapa­ry­ńyz. Biz táýelsizdiktiń alǵashqy kúninen bastap sizderdiń elde­ri­ńizben jaqyn qarym-qatynastar ornatýǵa umtylyp kelemiz. Men sizdiń elde eki ret boldym. Páks­tan basshylyǵy da bizdiń elimizde boldy. Bizdiń elderimiz arasynda halyqaralyq qujattar paketi, ýaǵdalastyqtar, kelisimder bar. Bizdiń ózara is-qımyldarymyzdy odan ári damytýdyń joldaryn taldap, nyǵaıtý jáne belgileý úshin sizdiń saparyńyz qazir biz úshin óte mańyzdy. Álem shyn máninde ózgeristerge toly, bizdiń aımaqqa zor kóńil bólinip otyr­ǵany baıqalady. Biz bul aımaqta beıbit jaǵdaıda tarıhı ómir sú­rip jatyrmyz, bul saýda úshin, kóptegen ómirlik máselelerdi birlesip sheshý úshin tıimdi, dedi Memleket basshysy. – Prezıdent myrza, sizderdiń ásem astanalaryńyzda maǵan jáne men bastap kelgen delega­sııa­ǵa kór­setilgen jyly shyraı­ly qa­byl­daýlaryńyz úshin úlken rahmet. Astana áýejaıyna kelip qon­ǵa­nymyzda, men elordala­ry­ńyz­dyń aınalasynda sozylyp jat­qan bıdaı dalasyn kórdim. Bul kórinis maǵan qatty áser etti. Pákstanda da bıdaı ósiriledi. Búgin Qazaq­stan­nyń Premer-Mı­nıstrimen kezdesý kezinde men bıdaıdyń ónim­diligin arttyrý úshin zertteýler júrgizip, bıdaı ósirý jóninde eki el arasynda ǵylymı-óndiristik tájirıbe al­ma­sýdy usyndym, dedi Saıed Iýsýf Reza Gılanı. Kezdesý barysynda Aýǵan­stan, Magrıb aımaǵy men Taıaý Shyǵystaǵy jaǵdaılar týraly pikir almasyldy. Iаdrolyq qarý­syzdaný máselesi, aımaqtyq «kún tártibindegi» ózekti máseleler, onyń ishinde qaýipsizdikti qamta­ma­syz etý salasyndaǵy másele­ler talqylandy. Lańkestikpen jáne ekstremızmmen kúreste qu­zyr­ly organdardyń ózara is-qı­myly qajettigine erekshe nazar aýdaryldy. Aýyl sharýashylyǵy salasynda jáne aýyl sharýa­shy­lyǵy ónimderin óńdeý jóninde birlesken óndirister qurý týraly perspektıvalyq jobalar bar. Qazaqstan dándi daqyldardyń iri óndirýshisi retinde atalǵan ónimdi Pákstanǵa tasymaldaýshy bolýy múmkin. Pákstan qazaqstandyq taýarlardyń tranzıti úshin teńiz aılaǵyn usynýǵa daıyn. Bul Qa­zaqstannyń eksporttyq ónimde­rin álemdik rynokqa shyǵarýǵa múmkindikter týǵyzady. Saýda-ekonomıkalyq baılanystardy ke­ńeıtýge qosymsha serpin berý úshin temir jol men avtokólik dálizi paıdalanylatyn bolady. Pákstandyq ınvestorlarǵa Qa­zaq­stannyń Údemeli ındýs­trııa­lyq-ınnovasııalyq damý baǵdar­la­masyna qatysý týraly usy­nystar jasaldy. Osy oraıda Pákstannyń isker toptary úshin qazaqstandyq rynok pen Keden odaǵyna múshe Reseı men Bela­rýs­tiń rynok áleýeti ashyq.