Túrik kásipkerleri ońtústiktegi týrıstik baǵytpen tanysty

Ońtústik Qazaqstan oblysynda ótken «Qazaqstan-Túrkııa ınvestısııalyq forýmynyń» aıasynda delegasııa quramy OQO-nyń tarıhı jerlerine saıahat jasady, dep habarlady OQO ákiminiń baspasóz qyzmeti. Atap aıtqanda, túrik kásipkerleri Otyrar aýdanyndaǵy «Otyrar tóbe» qalashyǵyna bardy. Munan soń, «Arystan bab» kesenesine zııarat jasalyp, baba rýhyna duǵa baǵyshtaldy. Mártebeli meımandardy arnaıy kútip alǵan aýdan ákimi Erlan Aıtahanov delegattardy bolashaqta aýdanda júzege asyrylatyn jobalarymen tanystyryp, baýyrlas eldiń ókilderin óńirdiń týrızm salasyna ınvestısııa salýǵa shaqyrdy. Aýdan basshysynyń málimetinshe, ótken jyly «Otyrar tóbe» qalashyǵyna 110 myńnan astam týrıst kelse, onyń 5 myńy sheteldik saıahatshylar eken. Bul kúni delegattar Túrkistan qalasyndaǵy Qoja Ahmet Iаsaýı kesenesin de aralady. Q.A.Iаsaýı atyndaǵy Halyqaralyq Qazaq-Túrik ýnıversıtetinde boldy. О́ńirdiń týrıstik áleýetimen tanysqan sheteldik qonaqtar oblystyń tarıhı jerlerge baı ekenin aıtyp, joǵary baǵalap, soǵan saı bolashaqta mundaǵy týrızm salasy odan ári damı beretinine senim bildirdi. Búkil álemdik mádenı mura tizimindegi IýNESKO-nyń quramyna kiretin mavzoleı elimizdegi týrıster eń kóp keletin aımaqtardyń biri bolyp tabylady. О́tken jyldary kıeli mekenge bir jylda 1mln. 60 myń týrıst kelse, 245 myńy shetel azamattary eken.