Oraldyq stýdent adam oıyn oqıtyn qurylǵy jasap shyǵarmaqshy

«Neıroskaı» degen qurylǵy bizdiń mıymyzdaǵy sıgnaldy qabyldap, kompıýterge shyǵarady, dep jazady 24.kz. «Arnaıy baǵdarlamany meńgerý ústindemiz. Bul bizge bolashaqta tipti adamnyń oıyn oqýǵa múmkindik beredi. «Neıroskaı» degen qurylǵy bizdiń mıymyzdaǵy sıgnaldy qabyldap, kompıýterge shyǵarady. Ol mıymyzdyń jumysyn, ne oılaıtynymyzdy kórsetedi. Bolashaqta osy tehnologııalar, mysaly, muǵalim sabaq bergende oqýshynyń tyńdap-tyńdamaıtyndyǵyn kórip bile alady. Qazirgi ýaqytta mıym jumys istep jatyr, biraq ta sharshadym, sony kórsetip tur», - deıdi stýdenttik konstrýktorlyq bıýronyń múshesi Ámir Qamı. Tehnologııa salasyndaǵy tájirıbe álemdik deńgeıdegi úzdiktermen tereze teńestirý úshin qajet. Bul jerde berilgen bilim jastardyń mektep pen joǵarǵy oqý ornynda alǵan bilimin bekitýge járdemdesedi. Básekege qabiletti mamandar keıin qurylys pen óndiris, robot tehnıkalaryn qurastyrý, medısına jáne elimizdiń kıber keńistigin qorǵaý salasyna  úles qospaq. "Biz negizgi eki baǵyt boıynsha jumys isteımiz. Sonyń biri shet tilderin meńgerý barysynda paıdaǵa asady. Máselen, arnaıy kózildirikti kıgen stýdenttiń aldyna bir nárseni qoıamyz. Sol kezde arnaıy baǵdarlama onyń shet tilindegi aýdarmasyn kórsetedi. Oqytýdyń mundaı tyń ádis-tásilderi úırenýshiniń qajetti sózderdi umytyp qalmaýyna kómektesedi", - deıdi ýnıversıtet professory Sergeı Kıbalnıkov. Jyldyń basty qujatynda Prezıdent sıfrlyq tehnologııany qoldaný arqyly qurylatyn jańa ındýstrııalar órkendeýi tıis ekendigin aıtty. Iаǵnı elimizdiń bilim berý men medısına salasynda tehnologııa jetistikteri keńinen qoldanylýy qajet. «Bizdiń basty maqsatymyz – osy baǵytta tyń jańalyqtar ashý», - deıdi ýnıversıtet rektory. "Búkil álemde úlken daǵdarysqa ushyrap jatqan ýaqytta bizdiń Qazaqstan qalypty, josparly, bedeldi kúıinde tur. Sonyń ishinde biz birneshe modernızasııadan ótip jatyrmyz. Mine, IT tehnologııa deımiz. Basty baǵytymyz – sol candyq tehnologııamen básekege qabiletti, álemdegi eń myqty memleketterdiń qataryna kirý", - deıdi Qazaqstan ITJ ýnıversıtetiniń rektory Aqsárik Áıtimov. Ýnıversıtette 12 myńdaı stýdent bilim alyp jatyr. Olar meńgeretin 20 mamandyqtyń teń jartysy qazirdiń ózinde ınnovasııalyq tehnologııa salasynda qoldanysta. Máselen, izdenýshi jastar 3D prıntıng arqyly modeldeý tásilderin úırenedi. Olardyń birqatar IT jobalary bıyl EXPO 2017 kórmesine qatyspaqshy.