Astanadaǵy Ulttyq akademııalyq kitaphanada tanymal ustaz, aqyn, jýrnalıst, bloger, "Qazbilim" ortalyǵynyń dırektory Aıatjan Ahmetjannyń úsh birdeı kitabynyń tusaýkeser rásimi ótti.
Birinshi kitap – «Minez». (óleńder jınaǵy) Alǵashqy shyǵarmashylyq jolyn aqyn bolyp bastaǵan qazaqtyń biraz jazýshy, pýblısıst, ǵalymdarynyń joly ǵoı bul. Aıatjan da sol soqpaqpen óz dańǵylyna qosylyp jatqan jas jýrnalıst, bolashaq ǵalym. «Aıatjandy bárimiz alǵashta aqyn retinde tanydyq, óleńiniń tehnıkalyq jaǵyna asa mán bere bermeıtin, biraq ózindik bir bólekshe oıy, úni bar bolatyn. Sodan-aq onyń keıbir iste jan-jaǵyna jaltaqtamaı alǵa qoıǵan óz maqsatyna batyl qadam jasaıtyn minezdiń ıesi ekenin baıqaýǵa bolatyn», - dedi tusaýkeserde sóz alǵan belgili aıtysker aqyn Serikzat Dúısenǵazy. Al, aqyn Erbol Beıilhan Aıatjannyń azamattyq bolmysyna toqtalyp, súıinishti lebizin jetkizdi.
Ekinshi kitap – «Ult bolam deseń...». Alǵashqy eńbek jolyn muǵalim bolyp bastaǵan Aıatjannyń mektep ómirinen kórgen-túıgenderi, urpaq tárbıesinde, oqytylý júıesinde oryn alyp jatqan keıbir kemshilikterin de tilge tıek etken maqalalary toptastyrylǵan. Bul kitaptyń tusaýyn elimizdegi bas basylym «Egemen Qazaqstan» gazetinde 20 jyldaı ýaqyttan beri osy bilim salasynyń jetistigi men kemistigin, sátti, sátsiz ózgeristerin talmaı jazyp kele jatqan jýrnalıst Súleımen Mámet pen «Qazaqstan – Zaman» gazetiniń bas redaktory, jýrnalıst Sáýle Meshitbaıqyzy kesti. «Men eńbek jolymdy muǵalimdikten bastaǵanmyn. Jýrnalıstıkaǵa keshirek keldim. Sondyqtan mektep, bilim salasy problemelary dese erekshe eleńdep turamyn. Aıatjandy áleýmettik jeliden bildim. Mekteptegi jumysynan shyǵyp qalyp, bir daý-damaıdyń tusynda kózim shalyp qaldy. Telefonyn taptyryp habarlastym, mán-jaıǵa qanyqqan soń Aıatjannyń qanshyl, qazaqshyl bala ekenin uqtym. Alǵan betinen qaıtpaıtyn, oıyna alǵan isin aıaǵyna jetkizbeı tynbaıtyn qaısar jigit ekenin kórdim, mine sonyń dáleli aldaryńyzdaǵy úsh birdeı kitap», - dedi Sáýle Meshitbaıqyzy.
Al, óz kezeginde Súleımen Mámet: «Men osy bilim salasyn jazyp kele jatqan 20 jyldaı ýaqytta qansha mınıstrdiń aýysyp, qansha ózgeristerdiń bolǵanyn bilesizder, qýattap ta, synap ta jazdyq. Keıbirimen kelistik, keıbirimen keristik degendeı... Túsingenim, bul tek jýrnalısterdiń, zııaly qaýym ókilderi ǵana kóteretin másele emes, muǵalimderdiń de jumyla kóterisetin júgi. Aıatjan sol údeden shyǵyp otyr. Jaqynda gazetimizde «Bilim» jáne «Tálim» atty arnaıy jańa better ashyldy. «Bilim» betinde oqýshylardyń bazalyq bilimin keńeıtý maqsat etilse, «Tálimde» tárbıe negizge alyndy. Eń bastysy oǵan elimdiń ár óńirindegi barlyq muǵalimderdiń atsalysaýyna, ozyq oılarymen bólisýine múmkindik berilip otyr. Aıatjannyń osy kitapqa engen «Oqýlyq olqylyǵy opyq jegizbesin desek...», «Ult bolam deseń, ustazyńnyń halin bil!» atty maqalalary alǵash gazetimizdiń osy betterinde jarııalandy. Mine, ár muǵalim demesek te, bir mektepte bir muǵalim osyndaı janashyr, osyndaı belsendi, bilimdi de bilikti bolsa, búginde saqtalyp otyrǵan biraz máseleler óziniń oń sheshimin tabar edi. Men úsh kitapty da oqyp shyqtym. Ásirese, «Hımııa» kitabynyń tiline súıindim. Qazaq tili tehnıkanyń, ǵylymnyń tili bola almaıdy dep júrgenderge Aıatjan osy «Hımııa» kitabyn jazý arqyly toıtarys berdi», -dep túıdi.
Úshinshi kitap – Aıatjan Ahmetjan men Nurgúl Qýanǵan birigip jazǵan «Hımııa» (esepter men jattyǵýlar jıyntyǵy 8 synyp) kitaby. Úshinshi kitaptyń tusaýkeserinde Astana qalalyq «Daryn» ortalyǵynyń dırektory Maıra Janorazqyzy men Astana qalalyq №40 mekteptiń dırektory Erbol Irgebaı sóz sóıledi. «Aıatjannyń óz isiniń bilgiri, óz salasynyń naǵyz maıtalmany ekenin «Hımııa» kitabyn oqyǵanda-aq bilesiz. Onyń boıynan azamatqa tán barlyq qasıetterdi kórgendeı bolamyn, Aıatjan ón boıynan hımııanyń barlyq elementi tabylatyn adam, ǵylymǵa jan-tánimen berilgeni qatty súıindiredi», - dedi Maıra Janorazqyzy.
Al, mektep dırektory Erbol Irgebaı myrza mektepterde óz qyzyǵýshylymen óz betinshe izdenetin muǵalimderdiń jetispeıtindigin sóz etse, jýrnalıst Beken Qaıratuly «shetelden kelgen qazaq jastary orysshaǵa júırik bolmaǵandyqtan úlken qyzmet, mansap jaǵyna emes mektep mańaılady. Bul ult isine óte jaqsy boldy, kóbi er azamattar» degen belgili matematık Muhtarbaı О́telbaıdyń sózin mysal etti.
Aıatjan áleýmettik jelide de belsendi. Onyń kótergen máselelerimen áleýmettik jeli arqyly etene tanys bolǵan «Qazaqstan KVN odaǵy» RJQB prezıdenti Esen Eleýken de kelip, «qurǵaq uran emes, naqty bilim, ǵylym salasynda aıanbaı qyzmet etetin osyndaı jastar kóp bolsa eken» degen júrekjardy tilegin aıtty. Kesh barysynda Aıatjannyń óleńderi oqylyp, kúı shertilip, án shyrqaldy. Keshti aqyn Erbol Alshynbaı sálıhaly sóz, jarasymdy ázilmen júrgizip otyrdy.
Aıtpaqshy, kesh barysynda jasy 70-ten asqan Sáýle Meshitbaıqyzy apamyz qashanǵy qazaqy josynmen Aıatjanǵa: «Al endi kitaptaryńmen qatar ul-qyzyń da óse bersin, kelinshegiń shekesi torsyqtaı ul tapsyn!» dep bata berip edi. Sáıkestikti qarańyz, biz osy joldardy qaǵazǵa túsirip jatqanda súıinshili habar keldi. Aıatjannyń jubaıy eki qyzdan keıin shekesi torsyqtaı ul taýypty. Baýy berik bolsyn!
Ulttyń sanyn da sapasyn da kóterer osyndaı azamattar kóp bolǵaı. 30 jasqa endi kelgen Aıatjannyń bul eńbegi kópti súıintti. «Otyzda orda buzǵan degen osy» dep tarqasty tusaýkeserge jınalǵan jurt.
Ularbek NURǴALYMULY, «Egemen Qazaqstan»
Birinshi kitap – «Minez». (óleńder jınaǵy) Alǵashqy shyǵarmashylyq jolyn aqyn bolyp bastaǵan qazaqtyń biraz jazýshy, pýblısıst, ǵalymdarynyń joly ǵoı bul. Aıatjan da sol soqpaqpen óz dańǵylyna qosylyp jatqan jas jýrnalıst, bolashaq ǵalym. «Aıatjandy bárimiz alǵashta aqyn retinde tanydyq, óleńiniń tehnıkalyq jaǵyna asa mán bere bermeıtin, biraq ózindik bir bólekshe oıy, úni bar bolatyn. Sodan-aq onyń keıbir iste jan-jaǵyna jaltaqtamaı alǵa qoıǵan óz maqsatyna batyl qadam jasaıtyn minezdiń ıesi ekenin baıqaýǵa bolatyn», - dedi tusaýkeserde sóz alǵan belgili aıtysker aqyn Serikzat Dúısenǵazy. Al, aqyn Erbol Beıilhan Aıatjannyń azamattyq bolmysyna toqtalyp, súıinishti lebizin jetkizdi.
Ekinshi kitap – «Ult bolam deseń...». Alǵashqy eńbek jolyn muǵalim bolyp bastaǵan Aıatjannyń mektep ómirinen kórgen-túıgenderi, urpaq tárbıesinde, oqytylý júıesinde oryn alyp jatqan keıbir kemshilikterin de tilge tıek etken maqalalary toptastyrylǵan. Bul kitaptyń tusaýyn elimizdegi bas basylym «Egemen Qazaqstan» gazetinde 20 jyldaı ýaqyttan beri osy bilim salasynyń jetistigi men kemistigin, sátti, sátsiz ózgeristerin talmaı jazyp kele jatqan jýrnalıst Súleımen Mámet pen «Qazaqstan – Zaman» gazetiniń bas redaktory, jýrnalıst Sáýle Meshitbaıqyzy kesti. «Men eńbek jolymdy muǵalimdikten bastaǵanmyn. Jýrnalıstıkaǵa keshirek keldim. Sondyqtan mektep, bilim salasy problemelary dese erekshe eleńdep turamyn. Aıatjandy áleýmettik jeliden bildim. Mekteptegi jumysynan shyǵyp qalyp, bir daý-damaıdyń tusynda kózim shalyp qaldy. Telefonyn taptyryp habarlastym, mán-jaıǵa qanyqqan soń Aıatjannyń qanshyl, qazaqshyl bala ekenin uqtym. Alǵan betinen qaıtpaıtyn, oıyna alǵan isin aıaǵyna jetkizbeı tynbaıtyn qaısar jigit ekenin kórdim, mine sonyń dáleli aldaryńyzdaǵy úsh birdeı kitap», - dedi Sáýle Meshitbaıqyzy.
Al, óz kezeginde Súleımen Mámet: «Men osy bilim salasyn jazyp kele jatqan 20 jyldaı ýaqytta qansha mınıstrdiń aýysyp, qansha ózgeristerdiń bolǵanyn bilesizder, qýattap ta, synap ta jazdyq. Keıbirimen kelistik, keıbirimen keristik degendeı... Túsingenim, bul tek jýrnalısterdiń, zııaly qaýym ókilderi ǵana kóteretin másele emes, muǵalimderdiń de jumyla kóterisetin júgi. Aıatjan sol údeden shyǵyp otyr. Jaqynda gazetimizde «Bilim» jáne «Tálim» atty arnaıy jańa better ashyldy. «Bilim» betinde oqýshylardyń bazalyq bilimin keńeıtý maqsat etilse, «Tálimde» tárbıe negizge alyndy. Eń bastysy oǵan elimdiń ár óńirindegi barlyq muǵalimderdiń atsalysaýyna, ozyq oılarymen bólisýine múmkindik berilip otyr. Aıatjannyń osy kitapqa engen «Oqýlyq olqylyǵy opyq jegizbesin desek...», «Ult bolam deseń, ustazyńnyń halin bil!» atty maqalalary alǵash gazetimizdiń osy betterinde jarııalandy. Mine, ár muǵalim demesek te, bir mektepte bir muǵalim osyndaı janashyr, osyndaı belsendi, bilimdi de bilikti bolsa, búginde saqtalyp otyrǵan biraz máseleler óziniń oń sheshimin tabar edi. Men úsh kitapty da oqyp shyqtym. Ásirese, «Hımııa» kitabynyń tiline súıindim. Qazaq tili tehnıkanyń, ǵylymnyń tili bola almaıdy dep júrgenderge Aıatjan osy «Hımııa» kitabyn jazý arqyly toıtarys berdi», -dep túıdi.
Úshinshi kitap – Aıatjan Ahmetjan men Nurgúl Qýanǵan birigip jazǵan «Hımııa» (esepter men jattyǵýlar jıyntyǵy 8 synyp) kitaby. Úshinshi kitaptyń tusaýkeserinde Astana qalalyq «Daryn» ortalyǵynyń dırektory Maıra Janorazqyzy men Astana qalalyq №40 mekteptiń dırektory Erbol Irgebaı sóz sóıledi. «Aıatjannyń óz isiniń bilgiri, óz salasynyń naǵyz maıtalmany ekenin «Hımııa» kitabyn oqyǵanda-aq bilesiz. Onyń boıynan azamatqa tán barlyq qasıetterdi kórgendeı bolamyn, Aıatjan ón boıynan hımııanyń barlyq elementi tabylatyn adam, ǵylymǵa jan-tánimen berilgeni qatty súıindiredi», - dedi Maıra Janorazqyzy.
Al, mektep dırektory Erbol Irgebaı myrza mektepterde óz qyzyǵýshylymen óz betinshe izdenetin muǵalimderdiń jetispeıtindigin sóz etse, jýrnalıst Beken Qaıratuly «shetelden kelgen qazaq jastary orysshaǵa júırik bolmaǵandyqtan úlken qyzmet, mansap jaǵyna emes mektep mańaılady. Bul ult isine óte jaqsy boldy, kóbi er azamattar» degen belgili matematık Muhtarbaı О́telbaıdyń sózin mysal etti.
Aıatjan áleýmettik jelide de belsendi. Onyń kótergen máselelerimen áleýmettik jeli arqyly etene tanys bolǵan «Qazaqstan KVN odaǵy» RJQB prezıdenti Esen Eleýken de kelip, «qurǵaq uran emes, naqty bilim, ǵylym salasynda aıanbaı qyzmet etetin osyndaı jastar kóp bolsa eken» degen júrekjardy tilegin aıtty. Kesh barysynda Aıatjannyń óleńderi oqylyp, kúı shertilip, án shyrqaldy. Keshti aqyn Erbol Alshynbaı sálıhaly sóz, jarasymdy ázilmen júrgizip otyrdy.
Aıtpaqshy, kesh barysynda jasy 70-ten asqan Sáýle Meshitbaıqyzy apamyz qashanǵy qazaqy josynmen Aıatjanǵa: «Al endi kitaptaryńmen qatar ul-qyzyń da óse bersin, kelinshegiń shekesi torsyqtaı ul tapsyn!» dep bata berip edi. Sáıkestikti qarańyz, biz osy joldardy qaǵazǵa túsirip jatqanda súıinshili habar keldi. Aıatjannyń jubaıy eki qyzdan keıin shekesi torsyqtaı ul taýypty. Baýy berik bolsyn!
Ulttyń sanyn da sapasyn da kóterer osyndaı azamattar kóp bolǵaı. 30 jasqa endi kelgen Aıatjannyń bul eńbegi kópti súıintti. «Otyzda orda buzǵan degen osy» dep tarqasty tusaýkeserge jınalǵan jurt.
Ularbek NURǴALYMULY, «Egemen Qazaqstan»
