Qytaıda úsh myń jyl buryn ómir súrgen qoltyraýynnyń súıegi tabyldy

Qytaıda jergilikti arheologtar úsh myń jyl buryn ómir súrgen qoltyraýynnyń súıekterin tapty. Bul týraly lenta.ru habarlady. China Daily málimeti boıynsha mamandar Shensı provınsııasyndaǵy Sıan qalasynda jer asty úńgirleriniń birin zertteý kezinde tapqan. Ekspedısııa basshysy Iýea Lıanszıanıaniń aıtýynsha, qoltyraýyn Batys Chjoý dınastııasynyń tusynda ómir súrgen (11 ǵasyrdan b.z.d 771 jylǵa deıin). «Bizge birneshe myń jyl burynǵy qoltyraýyndar jaıly mańyzdy málimetter alýymyzǵa septigi tıdi. Buǵan deıin mundaı qańqalar tek elimizdiń ońtústiginen ǵana tabylǵan. Osy súıekke qarap, Aspanasty eliniń soltústik-batysynda aýa raıy tym ylǵaldy bolǵanyn, sondaı-aq qazba jumystarynyń mańaıynda sý qoımasy nemese bireneshe shaǵyn ózen bolǵanyn ańǵarýǵa bolady», – deıdi Iýea Lıanszıanıa. Sonymen qatar, zertteý jumystary kezinde arheologtar ejelgi 10 qabirdi, birneshe kómilgen qudyqty, úıindilerdi, qoladan, tastan, súıekten, qyshtan jasalǵan buıymdardy tapty.