Ýnıversıada-2017. Hokkeıden qyzdarymyz Ulybrıtanııany jeńdi

Almatyda ótip jatqan qysqy Ýnıversıadada qyzdarymyz hokkeıden sońǵy oıynyn Ulybrıtanııamen ótkizip, 6:0 esebimen jeńiske jetti. Matchtyń 16-mınýtynda Bulbul Qartanbaeva aıdyn ıelerin esep basynda alǵa shyǵardy. Ekinshi kezeń jerlesterimiz úshin sátti ótti. Aldymen, 25-mınýtta Malıka Aldabergenova mergendigimen tanylsa, arada 30 sekýnd óter-ótpes, Araı Shegebaeva eseptegi basymdyqty arttyrdy. Al 36-mınýtta Tatıana Lıhaýs tablodaǵy kórsetkishti 4:0-ge jetkizdi. Kezdesýdiń sońǵy 20 mınýty da osy qarqynda órbidi. 44-mınýtta Elvıra Ramazanova kózge tússe, 50-mınýtta Bulbul Qartanbaeva bul matchtaǵy dýblin jasap, sońǵy núkteni qoıdy. Osylaısha, qyzdarymyz hokkeıden altynshy orynǵa toqtaldy. Qazaqstan – Ulybrıtanııa 6:0 (1:0, 3:0, 2:0) Shaıbalar: 1:0 – 15:42 Qartanbaeva (Tursynova, Shegebaeva). Teń dárejede 2:0 – 24:47 Aldabergenova (Nurǵalıeva). Teń dárejede 3:0 – 25:14 Shegebaeva (Tursynova, Lıhaýs). Teń dárejede 4:0 – 35:43 Lıhaýs (Ryspek). Teń dárejede 5:0 – 43:30 Ramazanova (Myńjasarova). Teń dárejede 6:0 – 49:32 Kartanbaeva (Aldabergenova, Ryspek). Teń dárejede