Temirhannyń táýelsizdikke tartýy

Temirhan Mombekulyn by­laı­ǵy jurt jazýshy-jýrnalıst retinde tanıdy. Uzaq jyldar boıy Qazaq radıosynda qyzmet istedi. Ol daıyndaǵan júzdegen habarlar búginde radıonyń altyn qo­ryna engen. Shyǵarmashylyǵy da bir tóbe. Bul kisiniń osy ýa­qyt­qa deıin shyqqan on tórt kitaby oqyrmanymen júzdesip úlgerdi. Jazýshynyń taǵy bir qyry bar. Ol – velosıpedpen el ara­laı­dy. Marafonǵa shyǵady. Alys jol­dardy aýyrsynbaı, el ara­syn­daǵy adamdarmen dıdar­la­syp, habarlar jasaıdy. Osyǵan deıin talaı jerdi aralady. Endigi saparyn Qyzylorda – Astana arasyna ar­napty. Burnaǵy kúni velosha­ban­dozdy jerlesteri Qy­zylordadan shy­ǵaryp saldy. Qa­na­tyn qom­da­ǵan qyrandaı bolǵan jazýshy Jezqazǵan tasjolyna túsip ketti. Temirhan Mombekuly bul sa­paryn el Táýelsizdiginiń 20 jyl­dyǵyna arnap otyr. Sapardyń Qy­zylordadan bastaý alýy da zańdy. О́ıtkeni, Aqmeshit – Alash­tyń as­tanasy bolǵan qala. Burynǵy astana men qazirgi el­dordanyń arasyn jazýshy osy­laı bir jalǵamaq nıette eken. As­tana men Qyzylordanyń ara­sy 1200 shaqyrym joldy quraı­dy. Osy aralyqty jazýshy 20 kúnde júrip ótpek nıette. – Eki astananyń arasyna jol­ǵa shyǵý men úshin baqyt. Osyǵan deıin talaı jerge sapar shektim. Degenmen, bul jolǵysynyń jóni bólek. О́ıtkeni, marafon Táýel­siz­diktiń 20 jyldyǵyna arnalyp otyr. Bul – meniń mereıli me­reı­toıǵa tartýym. Odan bólek, Elba­sy Nursultan Nazarbaev ár só­zinde salamatty ómir saltyn na­sıhattaıdy. Osy áreketim arqy­ly jastardy salamattylyqqa sha­qyryp, jol nusqaýdy da nıet etip otyrmyn. Alla sátin salsa, 20 kúnde elordaǵa baryp toqta­maq­pyn. Jolda kezdesken qıyn­shylyqtar men qyzyqtar týraly da jazý oıda bar dúnıe, – deıdi Temirhan Mombekuly. Qyzylordalyqtar marafon­shy jerlesterin sán-saltana­ty­men shyǵaryp saldy. Oblys áki­mi­niń keńesshisi Erjan Ýáıis qut­tyqtaý sóz sóıledi. Al Jańa­qor­ǵan aýdanynyń týmasy Pahareddın Sadyqov ózi aǵashtan oıyp jasaǵan «Qorqyt-qobyz» kompo­zı­sııasyn marafonshyǵa tabys­tap, Astanada Elbasy mura­jaı­y­na jetkizýdi amanattady. Qalam­gerdiń bul isine jastar da qyzyǵa qarady. Onyń jankeshtiligine tán­ti bolyp, qyzý qoldaý bildirdi. Jazýshy solaısha jolǵa shyqty. Endi ol elordaǵa jetip qana entigin baspaq. Erjan BAITILES, Qyzylorda.