Astana prosesi úshin alǵys bildirdi

Keshe elordada Sırııa daǵdarysyn retteý jónindegi halyqaralyq tehnıkalyq kezdesý ótti. Kezdesýden soń Reseı Federasııasy Qarýly kúshteri Bas shuǵyl basqarma basshysynyń orynbasary, general-maıor Stanıslav Gadjımagomedov Ortalyq kommýnıkasııalar qyzmetinde brıfıng ótkizip, jýrnalısterge málimdeme jasady. – Aqpannyń 6-sy kúni Reseı, Túrkııa jáne Iran deleg­a­sııa­lary, sondaı-aq, Birikken Ult­tar Uıymynyń ókilderi Astana qalasynda birlesken top­tyń alǵashqy otyrysyn ót­kiz­di. Atalǵan top 23-24 qań­tar kúnderi dál osy jerde Sırııa máseleleri boıynsha ót­ken halyqaralyq kezdesýdiń nátı­­­jesinde qurylǵan bolatyn. Búgin­gi otyrysqa qatysýshylar Sırııa­da áskerı is-qımyldy toq­tatý rejimin oryndaý barysyn tal­qylady. Osy rejimdi toly­ǵymen oryndaýǵa qajetti arna­ıy baqylaý júrgizý, túrli aran­datýshylyq áreketterdiń aldyn alý men toqtatý rejiminiń barlyq talaptaryn oryndaý jaıy sóz boldy. Sondaı-aq, qatysýshylar ózara senim sharalaryn pysyq­tap, gýmanıtarlyq kómek­terdiń kedergisiz jetkizilýi máselesin talqylady. Delegasııalar Sırııa­da áskerı is-qımyldy tolyǵymen toqtatýǵa múddeli ekenderin jetkizdi. Barlyq qatysýshylar Astana prosesin jalǵastyrýǵa arnalǵan talqylaý alańyn usyn­ǵany úshin, sonymen qatar, áskerı is-qımyldardy toqtatý jónindegi birlesken toptyń Astanadaǵy alǵashqy otyrysyna barlyq jaǵdaıdy jasaǵany úshin shynaıy alǵystaryn jetkizdi,– dedi general-maıor Stanıslav Gadjımagomedov. Bıylǵy jyly 23-24 qań­tar kúnderi elordada Reseı, Túrkııa jáne Iran elderiniń usyny­symen Sırııa másele­lerin retteý boıynsha halyq­aralyq kelissózder ótkeni bel­gili. Halyqaralyq saıasatta Astana prosesi degen ataýǵa ıe bol­ǵan alqaly jıynǵa Sırııa daǵdarysyna qatysty basty tarap­tardyń ókilderi qatysqan bola­tyn. Kelissóz nátıjesinde Sırııada atys­tyń toqtatylýyna jáne arandatý­shy­lyqqa jol bermeýge kepil­dik beretin úsh­ja­qty tetik qalyptas­tyryl­dy. Reseı, Túrkııa jáne Iran el­deri atysty toqtatý reji­mine kepil bolatyn bolyp sheshildi. Arnur ASQAR, «Egemen Qazaqstan»