Ǵalymdar qaýymynyń qoldaýy

Ortalyq kommýnıkasııalar qyzmetinde Memleket basshysy­nyń Qazaqstan halqyna Joldaýyna arnalǵan brıfıng ótti. Oǵan belgili ǵalym, ekonomıst, Qazaqstan joǵary oqý oryndary qaýymdastyǵynyń tóraǵasy Rahman Alshanov, Atyraý munaı jáne gaz ýnıversıtetiniń rektory Álı Ábishev pen Halyqaralyq aqparattyq tehnologııalar ýnıversıtetiniń rektory Damır Shynybekov qatysty. Brıfıngte ǵalymdar Elbasy Joldaýyndaǵy bilim jáne ǵylym máselesine qatysty óz pikirlerin bildirdi. – Búgingi kúnde Qazaqstan halqy úshin kóptegen baǵdar­lama­lar iske asyrylyp keledi. Biz, ǵalymdar qaýymy El­basynyń «Qazaqstannyń Úshin­shi jań­ǵyrýy: jahan­dyq básekege qabi­lettilik» Jol­daýynda ata­ǵan bastamalaryn tolyqtaı qol­daıtyny týraly málimdeımiz. Prezıdent óziniń Jol­daýynda elimizge damyǵan 30 eldiń qataryna qosylýǵa múm­­kin­dik beretin kelesi mańyz­dy baǵyttarǵa ekpin berdi. Olar – ekonomıkany qarqyn­dy túr­de tehnologııalyq jańǵyr­tý, dástúrli negizgi salalar­dy damytý, eńbek naryǵyn jań­ǵyr­tý, makroekonomıka­lyq turaq­­ty­lyq; adamı kapıtaldyń sapa­syn kóterý, ınstıtýttyq túrlen­dirý, qaýipsizdik, sybaılas jemqor­lyqpen kúres, ­– dedi R.Alshanov. Sonymen birge, ol Prezıdent bastamalarynyń qazirgi zaman talaptaryna saı ekenin, onyń Joldaýda eń aldymen bilim berý júıesiniń rólin ózgertýge erekshe nazar aýdarǵanyn atap ótti. «Memleket basshysy Jol­daýda IT-bilim, qarjylyq saýattylyqty qalyptastyrý men patrıottyq tárbıeniń ózek­tiligin atap kórsetti. Mu­nyń barlyǵy jastardyń boıynda mem­le­ketimizdiń jańa damý kezeńinde qajetti, ómir úshin mańyzdy jańa daǵdylar men qabiletterdi qalyptastyra­dy. Bilim berý júıesinde IT-sala­nyń qarqyndy damýy jáne muǵalimder bilik­tiligi­niń joǵary­laýy qala men aýyl mek­­tep­­­teri­niń arasyn­daǵy bilim sapa­sy­nyń aıyr­ma­shylyǵyn azaı­tý­ǵa septigin tıgizeri aı­qyn», – dedi ol. Kezdesýde Álı Ábishev jas­tar úshin eń mańyzdy másele – jumysqa ornalasý máselesi eke­nin, osyǵan baılanysty Elbasy óz Joldaýynda ju­mys­­kerlerdiń jańa zaman sala­lary­nyń mamandyqtaryna kóshýi úshin qolaıly jaǵdaılar jasaý mindetin qoıǵanyn aıtty. Osyǵan oraı ol ózi qyzmet etetin Atyraý munaı jáne gaz ýnı­ver­sıtetinde dýaldy oqý baǵ­dar­lamasynyń júrgizilip jatqanyn mysalǵa keltirdi. «Prezıdent eńbekpen qamtýdyń jańa Jol kartasyn ázirleý qa­jet­ti­ligin atap ótti. Bizdiń bilim ordasy stý­dent­terdiń bos ýaqytyn­da ju­mys istep, tájirıbe jınaýy­na múm­kindik berip otyr. Mysaly, biz stý­dentti oqytyp qana qoı­maı, ony kásibı maman retinde tár­­­bıe­l­ep, óz isiniń naǵyz shebe­rine, ma­­ma­nyna aınaldyrý úshin ju­­mys jasap jatyrmyz», – dedi ol. Al Halyqaralyq aqparattyq tehnologııalar ýnıversıtetiniń rektory Joldaýdaǵy «Sıfrlyq Qazaqstan» baǵdarlamasynyń máni men mańyzyn aıtyp, bola­shaqta elimiz aqparattyq jaǵynan damyǵan, eń ozyq memleketterdiń qatarynan kóringisi kelse, qazirden bastap jer-jerde, el-elde ınternet júıesin jetildirý kerektigin atap ótti. Dastan KENJALIN, «Egemen Qazaqstan»