Senat saparlary

Konstıtýsııaǵa ózgerister talqylandy

Parlament Senatynyń depýtaty Nurlan Qylyshbaev Almaty oblysyndaǵy Uıǵyr aýdanynda boldy. Senator aýdandyq máslıhat depýtattarymen, ákimdik qyzmetkerlerimen, quqyq qorǵaý organdary jáne buqaralyq aqparat quraldarynyń ókilderimen, sharýa qojalyqtarynyń basshylarymen jáne jergilikti turǵyndarmen kezdesti.

Memleket basshysynyń bılik tarmaqtary arasyndaǵy ókilettikterdi bólý jónindegi Úndeýi jan-jaqty talqylandy. Depý­tat basqarý júıesin jań­ǵyr­tý­daǵy Parlamenttiń róline egjeı-tegjeıli toqtaldy. Kezdesý barysynda Elba­synyń Joldaýyndaǵy negizgi ere­jelerdi talqylaýǵa basa na­zar aýdaryldy. Uıǵyr aýda­­ny­­nyń turǵyndary memle­ket­­tegi Úshin­shi jańǵyrý tetik­teri tý­ra­ly birqatar saýaldar qoıdy. N.Qylyshbaev elimizde Eý­ra­­zııadaǵy aýyl sharýa­shy­lyǵy naryǵyna negizgi qatysý­shy bolatyn qýatty aýyl sharýa­shy­lyǵy klasterin qurýǵa ba­ǵyt­talǵan Qazaqstannyń ag­rar­lyq keshenin reformalaý st­rategııasyn jınalǵandarǵa jan-jaqty aıtyp berdi. Nurbol ÁLDIBAEV, «Egemen Qazaqstan» Almaty oblysy

Usynys-pikirlerin bildirdi

Senat depýtaty, Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Serik Aqylbaı memlekettik bıliktiń tarmaqtary arasynda óki­lettikterdi qaıta bólý máseleleri jóninde  Ata Zańǵa engen ózgertýlerdi jáne Elbasynyń «Qazaqstannyń úshin­shi jańǵyrýy: jahandyq básekege qabilettilik» atty Jol­daýy­nyń negizgi erejelerin túsindirý maqsatynda Qaraǵandy oblysy Buqar jyraý aýdanynyń turǵyndarymen kezdesti.

Belaǵash aýyldyq okrýginde, Buqar jyraý aýdanynyń orta­lyǵy – Botaqara kenti jáne Ǵabı­­den Mustafın kenti jurt­shy­ly­ǵymen kezdesý barysynda eli­mizdiń Negizgi Zańy – Kons­tı­týsııaǵa ózgertýler men bıyl­ǵy Joldaýdyń negizgi baǵyt­tary boıynsha Senat depýta­tyna birqatar suraq qoıylyp, usynys-pikirler aıtyldy. Belaǵash aýyldyq okrýgin­de «Vozrojdenıe» sharýa qo­jaly­ǵynyń basshysy maldyń tek qana súti men etin emes, onyń múıi­zin, tuıaqtaryn, sondaı-aq terisi men júnin de alyp, koope­r­atıv­terge tap­syryp, óndirý­ge bo­la­tyn­dyǵy týraly pikirin bildirdi. Agrarlyq sala boıynsha álemdegi úzdik elder­diń teh­no­lo­gııasy men tájirı­besin paı­dalansaq, eksport­ty art­tyrý­ǵa da, jahan naryǵyn­da ózi­miz­diń brendimiz­di qalyptas­tyrý­ǵa da múmkindigi­miz zor eke­nin aıt­qan Senat depýtaty oǵan eli­mizde resýrstarymyz jet­ki­likti ekenin atap ótti. Mıras ASAN,«Egemen Qazaqstan» Qaraǵandy oblysy

Úshinshi jańǵyrtý mindetterin túsindirdi

Parlament Senatynyń depýtattary Serik Nurǵalıev jáne Jeńis Bekturǵanov Qostanaı oblysyna jumys saparlary barysynda aımaqtyń sot korpýsymen kezdesý ótkizdi.

Kezdesýde Elbasynyń Qazaq­­­stan halqyna arnaǵan «Qazaq­stannyń Úshinshi jań­ǵyrýy: jahandyq básekege qabi­lettilik» Joldaýyn iske asyrý barysyndaǵy barlyq deńgeıdegi sot qyzmetkerleri­niń mindetteri talqylandy. Son­daı-aq, kezdesýde elimiz­diń Konstıtýsııasyna ózgerister men tolyqtyrýlar engizý týraly usynystar da egjeı-teg­jeıli qaralyp, talqylandy. Senatorlar óz sózderinde bıliktiń atqarýshy jáne zań shyǵarýshy tarmaqtarynyń rólin nyǵaıtý, saıası júıeni odan ári demokratııalandyrý jáne jergilikti memlekettik basqarý men ózin-ózi basqarý júıesin jań­ǵyrtý týraly áńgimeledi. Osyǵan baılanysty Parlament birqatar zańdar qabyldaıtyn bolady jáne qoldanystaǵy zańnamaǵa ózgerister engiziledi. Kezdesý barysynda ákimshi­lik jáne qylmystyq zańnamany izgilendirý máselesine, sondaı-aq sot júıesine halyqtyń seni­min arttyrý sharalaryna erekshe nazar aýdaryldy. Názıra JÁRIMBETOVA, «Egemen Qazaqstan» Qostanaı oblysy

Jergilikti halyqpen kezdesti

Parlament Senatynyń depýtaty Bekmyrza Elamanov Qyzylorda qalasynda bolyp, qala aktıvimen, ardagerlermen jáne jergilikti turǵyndarmen kezdesti.

Kezdesý barysynda Qazaq­stan Respýblıkasynyń Pre­zıdenti N.Nazarbaevtyń mem­lekettik bılik tarmaqtary arasynda ókilettikterdi qaı­­ta bólý týraly Úndeýin túsin­dirý jáne «Qazaqstannyń Úshin­shi jańǵyrýy: jahan­dyq báse­kege qabilettilik» halyq­qa Joldaýyn nasıhat­taý jumys­tary júrgizildi.

Júzdesý barysynda senator mindetti áleýmettik saq­tandyrý júıesine qatysty qoıylǵan suraqtarǵa jaýap berdi. Ultymyzdyń densaý­lyǵyn saqtaý elimizdiń bas­ty máseleleriniń biri ekenin aıtqan B.Elamanov medısına salasyndaǵy jasalyp jat­qan reformalar halyqtyń den­saýlyǵyn jaqsartýǵa baǵyt­talǵandyǵyn atap ótti.

Erjan BAITILES, «Egemen Qazaqstan»

Qyzylorda oblysy