Ýnıversıadadan keıin 1,7 myń otbasy úıli bolady

Almaty Ýnıversıadanyń arqasynda megapolıstiń Alataý aýdany ári qaraı damý múmkindigine ıe bolyp otyr. Atalǵan aýdanǵa 8 jylda quıylǵan ınvestısııa kólemi 32 ese artqan. Osyǵan deıin qalanyń shyraısyz sheti sanalyp kelgen Alataý aýdany bú­ginderi qala qonaqtary men turǵyndaryn ózine baýraǵan jańa ortalyqqa aınalyp úlgerdi. Bul aýdanda Ýnıversıadanyń bas­ty nysandary – «Almaty Arena» jáne Atletter aýy­ly ornalasqan. «Almaty Arenaǵa» qol sozym jerde 15,6 myń páterlik shaǵyn aýdan, sonyń ishinde, «Eski úıler» baǵdarlamasy boıynsha 9 qabatty eki úı boı kóterdi. Aldaǵy úsh jylda taǵy 16 myń pá­­ter­den turatyn 279 úı salynbaqshy. Qysqy Ýnıversıada ótkizilgen soń, tolyqqandy áleýmettik ınfraqurylymy bar Atletter aýyly 1,7 myńnan asa otbasy úshin jaı­ly baspanaǵa aınalady. At­letter aýylynyń 1748 pá­teri ári qaraı satyp alý múmkindigimen jal­­­daýǵa be­rilmekshi. Osylaısha, al­ǵashqy segiz jyl ishinde 15,5 mlrd teń­ge mólsherinde ın­ves­­tı­sııalardyń 40 paıyz­ǵa jýyǵy qaıtarylmaq. Bul Alma­tydaǵy baspanaǵa ke­zek­­ti 10 paıyzǵa azaıtýy tıis. Jańa turǵyn úı keshe­ninde emhana, sýpermarket, bank bólimsheleri men posh­ta, polısııa beketi qyzmet kórsetetin bolady. Baqtııar TAIJAN, «Egemen Qazaqstan» ALMATY