Túrkııa álemde EKO jasaý boıynsha birinshi orynda

Túrkııa álemde EKO jasaý (jatyrdan tys uryqtandyrý) boıynsha birinshi oryndy ıemdenedi. Bul baǵytta Ystanbul qalasynda - 3, Antalııa shaharynda 3 klınıka men 2 medısınalyq ortalyq jumys isteıdi. Bul týraly OQO Aımaqtyq kommýnıkasııalar qyzmetinde ótken brıfıngte Antalııa qalasyna tájirıbe almasý maqsatynda barǵan medısına salasynyń mamandary məlimdedi, dep habarlady OQO ákiminiń baspasóz qyzmeti. Munda sondaı-aq, otalar robottardyń kómegimen jasalady. Búginge deıin joǵarǵy tehnologııamen robottandyrylǵan 6 myńnan astam gınekologııalyq ota sátti júzege asyrylǵan. Oblystyq endokrınologııa dıspanseriniń dáriger-sarapshysy, top basshysy Qalkóz Qasymbekovanyń aıtýynsha, OQO əkimi J.Túımebaevtiń tapsyrmasymen Túrkııaǵa təjirıbe almasýǵa barǵan 15 medısına qyzmetkeri Antalııa qalasynda bolǵan. Olar 6 klınıkany aralap kórip, is-tájirıbe almasty. Antalııadan 80 shaqyrym jerdegi Isparta qalasyndaǵy aýrýhanada boldy. Antalııa qalasyndaǵy «Training Hospital» klınıkasy 904 naýqasqa arnalǵan. Qajet bolǵan jaǵdaıda keńeıtiledi, 2200 adamdy qabyldaýǵa múmkindigi bar. Munda 2016 jyly 2,5 mıllıon naýqas em qabyldaǵan bolsa, sonyń 1,5 mıllıonǵa jýyǵy sheteldikter bolǵan. «Túrkııada bizde endi-endi qolǵa alynyp jatqan súıek kemigi naýqastaryna transplantasııalaý otalary kóptep jasalady eken. Transplantologııa óte qatty damyǵan. Árbir azamaty - tegin donor. Kólik júrgizýshi kýáligin alar kezde olar sanaly túrde ózderiniń aǵzasyndaǵy bir múshesin donor retinde berýge kelisim beredi. Atalǵan kelisim belgisi júrgizýshi kýáliginde kórsetiledi. Eger ol jol apatynan qaıtys bolsa, medısına mamandary shuǵyl túrde iske kirisip, zaqymdanbaǵan saý múshesin qajet etetin naýqasqa tegin aýystyryp salady. Donor tapshylyǵy joq», - deıdi Qalkóz Baqytqyzy. Ana bolýdy josparlaý júıeli túrde júzege asady. Túsik jasaýǵa memlekettik deńgeıde qatań tyıym salynǵan. Áıeldiń ómirine qaýip tónetindeı jaǵdaı bolmasa, múldem ruqsat etilmeıdi.