Golovkın men kishi Iýbenk arasyndaǵy aıqas ne úshin ótpedi?

IBO tujyrymy boıynsha ekinshi orta salmaqta álem chempıony kishi Krıs Iýbenk (24-1, 19 KO) ótken jyly WBA (Super), IBO, WBC jáne IBF tujyrymdary boıynsha álem chempıony Gennadıı Golovkınmen ótken jyly ne úshin jekpe-jegi ótpegenin túsindirip berdi. Bul týraly vesti.kz habarlady. Bul aıqas 2016 jyldyń qyrkúıek aıynda ótýi tıis bolatyn. Al uıymdastyrý jumystarymen tanymal brıtanııalyq promoýter Eddı Hırn aınalysqan. Biraq bul is aıaqsyz qalyp, qazaqstandyq boksshy IBF chempıony Kell Brýkpen kezdesýge májbúr boldy. Keıinirek Hırn istiń mán-jaıyn túsindirip berdi. Aıtýynsha, brıtanııalyqtyń ákesi uıymdastyrý jumystaryna tolyǵymen ıelik etip, bul keshtiń anderkartynda kimderdiń shyǵatynyn, tipti gonorardy bólý máselesin de ózi sheshkisi kelgen. Promoýter mundaı talapqa kónbegendikten Iýbenkpen birge jumys isteýden bas tartqan. Onyń ákesi Golovkınniń taraby 6 mıllıon dollar qarjy usynǵanyn, biraq qabyl almaǵandaryn málimdedi. «Másele meniń GGG-men judyryqtasqym kelmegendiginen emes. Bári búge-shigesine deıin sheshilip qoıǵan. Biraq promoýterge bul unamasa kerek. О́zine qolaıly múmkindikterdi qarastyrǵysy keldi. Al biz onyń sharttarynyń bárine kelise almadyq», – dedi kishi Iýbenk. Buǵan deıin brıtanııalyq boksshy Gennadıımen jekpe-jegi osy jyly ótetinin senimdi túrde aıtqan bolatyn. «Bul aıqasty tek men ǵana emes boks álemindegi búkil jankúıer kútip otyr. Ony sońǵy eki jyl boıy sharshy alańǵa shaqyryp kelemin», – dedi ol. Boksshynyń ákesi aldaǵy kúnderi Golovkınniń ókilderimen kelissózder júrgizý úshin kezdesetinin málimdedi. Aıta keteıik, birer kún buryn kishi Iýbenk Londonda avstralııalyq  Renold Kýınlandy nokaýtqa túsirip, IBO belbeýin jeńip alǵan.