2020 jyly Qazaqstanda onlaın-kredıt alýshylar 2,5 mln-ǵa jetedi

Qazaqstanda bankterdiń kredıt berý úrdisi sońǵy jyldary baıaýlady. Biraq buǵan qaramastan onlaın-qaryz naryǵy birshama ósken. Mamandar aldaǵy jyldary kredıtteýdiń bul túrinen túsetin tabys kólemi 170 mlrd teńgege jetedi dep josparlap otyr, dep habarlady Smartzaim.kz. Búgingi tańda elimizdegi onlaın-qaryz alýshylardyń sany 350 myńǵa jetken. Joǵarydaǵy málimetter osy kórsetkishtiń aıasynda túzilgen. Bul statıstıka 2020 jyly onlaın-kredıttiń paıdalanýshylary Qazaqstanda 2,5 mln-ǵa  jetetinin aıqyndaıdy. Mundaı jaǵdaı Qazaqstanda ǵana emes búkil álemde baıqalyp otyr. Osy salany damytýǵa úkimet tarapynan da qyzyǵýshylyq baıqalady. Qarapaıym halyq úshin onlaın-qaryzdardyń qoljetimdi bolýy salyq túsimi arqyly memleket bıýdjetin toltyrady. Onlaın-kredıt naryǵynyń damyp kele jatqanyna qaramastan, jalpy tutynýshylyq kredıttegi onlaın-karyz portfeliniń úlesi áli de 0,3%-dan aspady. Osynyń áserinen bul naryq ázirge syrttaı baqylaýdy qajet etpeıdi. Búginde ózin-ózi basqaratyn qaýymdastyq tutynýshylardyń quqyǵyn óz moınyna alyp otyr. Aldaǵy ýaqyttarda retteýdiń jańa modeli oılastyrylyp, onlaın-kredıt servısiniń qyzmeti zańdastyrylady. Qazirgi tańda onlaın-qaryzdardy Qazaqstannyń Ulttyq banki baqylamaıdy. Bul qyzmetti usynatyn kompanııalar QR Azamattyq kodeksine súıene otyryp qyzmet etedi. Biraq onlaın-kredıt naryǵynyń ókilderi jaqyn arada qarjy retteýshiniń nazaryna iligemiz degen oıda. Bul osy qyzmetpen aınalysatyn kompanııalardyń barlyǵy lısenzııa alýy qajet bolady degen sóz.