Janat Jaqııanov jańartylǵan reıtıngte kósh bastady

Búgin, ıaǵnı 7 aqpan kúni Búkilálemdik boks assosıasııa (WBA) óziniń resmı saıtynda bylǵary qolǵap sheberleriniń jańartylǵan tizimin jarııalady. Ol tizim boıynsha Janat Jaqııanov kósh basynda tur, dep habarlaıdy vesti.kz. Jańartylǵan tizim boıynsha jeńil salmaqta (53,42 keli) qazaqstandyq boksshy Janat Jaqııanov kósh bastap tur. Ekinshi orynda domınıkalyq Hýan Karlos Paıano tursa, úshinshi satyǵa venesýelalyq Enfrez Pareho ornalasqan. Orta salmaqtaǵy (66.68 keli) boksshymyz Janqosh Turarov bul kórsetkishte 11-orynda. Dál osy salmaqta birinshi orynǵa taılandtyq Teva Kıram turaqtaǵan. Odan keıin amerıkalyq Lamont Pıterson tursa, úshtikti ıspanııalyq boksshy Kerman Ledjaraha túıindedi. Al birinshi orta salmaq (69.85 keli) dárejesindegi boksshymyz Qanat Islamǵa tizimniń tórtinshi satysynan oryn buıyrypty. Argentıkalyq Braıan Karlos Kastano bul salmaqta kósh bastasa, amerıkalyq Demetrıýs Andrade – ekinshi, fransııalyq Mıshel Soro – úshinshi orynda. Birinshi aýyr salmaqta (90.71 kel) baǵyn synap júrgen Isa Aqberbaev reıtıngte 15-orynda. Al Beıbit Shúmenovpen kezdesýden bas tartqysy kelip júrgen Iýnıer Dortıkos birinshi satyǵa ornalasypty. Germanııalyq Marko Hýk pen armenııalyq Arsen Gýlamırıan ekinshi jáne úshinshi oryndarda tur.