Qashanda ottaı janǵan Qasym jyry

Kóp jaıdyń kezi keldi ashylatyn, Kóp istiń aıtatyn da ashyp atyn. О́zgeshe óleń óri, týy bolǵan, О́zgeshe qudiretti Qasym aqyn.   Kóp edi asyp, tasqan kezi arnadan, Ol jaıly talaı uly sóz arnaǵan. Odan soń talaı tulpar týǵanmenen, Ilgeri oǵan jetip, oza almaǵan.   «Dúnıege keler áli talaı Qasym, Olar da bul Qasymdy bir baıqasyn». Dep jazdy asyl aǵa otty óleńniń, Aspanda jarqyldatyp aq almasyn.   Qııaǵa qyran aqyn qanat kergen, Qashanda óz bıigin qalapty órden. Kórsetip ólmes jyrdan ónegeni, Talpynǵan talaı jasqa qanat bergen.   Bir úmit tynshý bermeı jas janymda, Talpynyp jyrǵa qadam basqanymda. Asyl nur kókiregime uıalatqan, Qasym jyr jarqyldady aspanymda.   Sekildi bir ǵajaby súıikti eldiń, Qasymdaı asý bermes bıik kórdim. Qasym – jyr shyǵar shyńy, týy boldy, Mendegi arman, maqsat, úmitterdiń.   Men buryn mundaı ǵajap kórip pe edim, Elittim eren jyrǵa, eliktedim. Ańǵardym asyl jyrdyń, Qasym – jyrdyń, Nurlantyp el júregin eritkenin.   Shyn suńqar shyrqaı almaı tunshyqqanda, Tóbege shyǵar quzǵyn, shymshyq, qarǵa. Jansa da jany otty jyrmen laýlap, Qanshama kezikti aqyn qyrsyqtarǵa.   Kemel oı asyp jatqan kemerinen, Kóp jaıdy tolǵaýshy edi tereńinen. Bárin de kóre bildi, jeńe bildi, Daýyldaı órtke tıgen óleńimen.   Ot shaınap, alaý, jalyn jamylatyn, Salatyn keıde órtke janyn aqyn. Qanshama shákirtteri qaldy artynda, Qasymsha oılap, aǵynan jarylatyn.   Júrekti Qasym jyry nurǵa malyp, Bıikte Qasym týy tur qadalyp. Armandaı aınalady saǵynyshqa, Taýlardaı kórinedi tulǵalanyp.   Jaqsyǵa aqyn jany ǵashyq edi, Marjandaı sóz marjanyn shashyp edi. Ǵasyrlyq aqyn toıyn toılap jatyr, Bul kúnde ózi súıgen asyl eli.   Erkindik alǵan qazir súıgen eli, Kóp elden eńsesi ozyq irgedegi. Aqynǵa berdi kóshe, mektep atyn, Bir kezde bir baspana tımep edi.   Jasyn jyr janartaýdaı atylatyn, Birde nur, birde muńǵa batyratyn. Saqtaǵan júreginde aıaýly eli, Ardaqtap jatyr búgin aqyn atyn.   Altyn táj sekildengen Arqadaǵy, Toı jasap jatyr búgin Qarqaraly. Terbegen Qasym jyry, Qasym áni, Bizdegi baıtaq óńir, bar qalany.   Shyqqandaı shyrqap shyńǵa, qyrǵa Qasym, Shyn tilek pen qurmetten nurlanasyń. Jasaýda asyl aqyn uly toıyn, Biletin qalyń eli jyr baǵasyn.   Aqynnyń oryndalyp uly armany, Qonǵandaı qolyńa kep qııaldaǵy. Qashanda ottaı janǵan Qasym jyry, Jylytyp júrekterdi turar máńgi. Mahmutbaı ÁMIREULY, Qazaqstan Jazýshylar odaǵynyń múshesi. Qyzylorda.