Sýkerberg Facebook basshylyǵynan ketýi múmkin

Facebook áleýmettik jelisiniń bir top aksıoneri Mark Sýkerbergti kompanııanyń basqarma tóraǵasy qyzmetinen alyp tastamaqshy, dep jazady kaz.tengrinews.kz. Bul usynysqa sebep retinde "dırektorlar keńesiniń táýelsiz tóraǵasy kompanııa basshylarynyń jumysyn jaqsyraq qaraıdy, korporatıv basqarýdy jaqsartady jáne aksıonerler úshin damý baǵdarlamasyn jasap beredi" degendi aıtyp otyr. Osyndaı usynys Facebook aksıonerlerinen kelip túsken, olar SumOfUs baqylaý komıssııa tobynyń tutynýshylar músheleri. Uıym ózin ınternet qoǵamdastyq retinde tanystyrady, olar jahandyq máseleler ıaǵnı klımattyń ózgerýi, adam quqyǵyna qysym jasaý, sybaılas jemqorlyq jáne taǵyda basqa máselelerde korporasııany jaýapty dep sanaıdy. SumOfUs saýda kapıtalynyń keńesshisi Laıza Lındslı (Lisa Lindsley) 333 myń adam petısııaǵa qol qoıǵan, onyń 1,5 myń adamy - áleýmettik jeliniń aksıonerleri. Onyń aıtýynsha, SumOfUs tórt múshesiniń aksııasy Sýkerbergti ornynan alyp tastaýǵa shamasy jetedi. Basylymnyń málimetinshe, bas dırektordyń basqarma basshylyǵynda bolýy álemge taraǵan tájirıbe, mysaly Tesla, Bank of America, Walt Disney Company, IBM, Amazon, Netflix jáne taǵyda basqalar. Facebook bul usynyspen kelisýi ekitalaı, sebebi Sýkerberg kompanııanyń eń kóp aksııanyń ıegeri. Osy másele áleýmettik jeliniń qarjylaı kórsetkishiniń ózgeriske ushyraýy múmkin, deıdi VentureBeat.