Sırııa boıynsha birlesken jedel top týraly erejege qol qoıylady

Sırııadaǵy soǵysty toqtatý rejimin nyǵaıtý jónindegi birlesken jedel top týraly erejeniń jobasy tolyqtaı kelisildi deýge bolady, dep habarlady QazAqparat. Oǵan qol qoıý Astanadaǵy kelesi kezdesýge josparlanyp otyr. Reseıdiń RIA «Novostı» agenttiginiń habarlaýynsha, bul jaıynda  RF Qarýly kúshteri Bas shtaby Bas jedel basqarmasynyń basshysy, general-leıtenant Sergeı Rýdskoı málim etken. «Is júzinde reseılik «Soǵys is-qımyldaryn toqtatý rejimin nyǵaıtý jónindegi birlesken jedel top týraly ereje» jobasy tolyqtaı kelisilgen. Astanadaǵy kelesi kezdesýde oǵan qol qoıý kózdelip otyr», - dedi ol. Onyń aıtýynsha, buǵan deıin Reseı men Túrkııa sarapshylary ázirlegen qorytyndy kelisimge qosymsha hattamany kezdesýge qatysýshy taraptyń barlyǵy qoldaǵan. «Sonymen qatar, reseılik tarap usynǵan «bitimgershilikke kelgen aýdandar (eldi mekender) týraly erejede» maquldanǵan bolatyn. Onda sırııalyq resmı bılik pen kóshpeli kezeńde qarýly jasaqtardyń baqylaýynda bolǵan eldi mekender arasyndaǵy ózara qarym-qatynas tártibi aıqyndalǵan», – dedi Rýdskoı. Onyń atap ótýinshe, bul qujattar Sırııa úkimeti men oppozısııanyń kelisimine jiberilgen.