Ýnıversıada-2017. Hokkeıden Qazaqstan quramasy fınalǵa shyqty (vıdeo)

Almatyda ótip jatqan qysqy Ýnıversıada oıyndarynda hokkeıden erler arasynda Qazaqstan quramasy fınalǵa shyqty. Jartylaı fınalda Chehııa ujymymen kezdesip, 4:1 esebimen basym tústi. Matchtaǵy alǵashqy shaıba 17-mınýtta soǵyldy. Urymtal tusty utymdy paıdalanǵan Denıel Arnost chehııalyqtardy alǵa shyǵardy. Alaıda, arada birer mınýt óter-ótpes jerlesterimiz ese qaıtaryp úlgerdi. Konstantın Savenkonyń soqqysy kózdegen jerinen dál tabylyp, tarazy basy teńesti. Oıynnyń ekinshi kezeńi jastarymyzdyń basymdyǵymen órbidi. 31-mınýtta Dmıtrıı Grens mergendigimen tanylyp, Qazaqstan quramasyn esepte alǵa shyǵarsa, 33-mınýtta Pavel Akolzın bul basymdyqty arttyra tústi. Sońǵy 20 mınýtta jankúıerler bir ǵana goldyń kýási boldy. 43-mınýtta Alekseı Ansıferov tablodaǵy kórsetkishti 4:1-ge jetkizdi. Kezdesýdiń sońyna deıin birneshe qaýipti sátter bolǵanmen, esep ózgerissiz qaldy. Jerlesterimiz erteń fınalda Reseı quramasymen synǵa túsedi. 0:1 – 16:14 Arnost (Stestnı, Kafka). Teń dárejede 1:1 – 17:40 Savenkov (Pısarev). Teń dárejede 2:1 – 30:59 Grens (Mıhaılıs, Ibraıbekov). Teń dárejede 3:1 – 31:43 Akolzın (Savenkov). Teń dárejede 4:1 – 42:40 Ansıferov. Teń dárejede