Mańyzdy mindetke – temirdeı talap

«Batys Eýropa – Batys Qytaı» halyqaralyq dá­liziniń qurylysy bastalǵan sátten jobany júzege asy­rýshy kompanııalar men uıymdardyń eńbek zańnamasyn saqtaý máselesin memlekettik eńbek ınspektorlary, Eńbek jáne áleýmettik qorǵaý mınıstrligi men dáliz ýchaskeleri ótetin oblystardaǵy mınıstrliktiń aýmaq­tyq organdary baqy­laýǵa alǵan. Qurylys bastalǵan ýaqyttan beri Aqtóbe, Qyzylorda, Jam­byl, Ońtústik Qazaqstan oblystarynyń memlekettik eńbek ıns­pektorlary 69 kásiporynda 115 josparly jáne josparsyz tekserý júrgizgen. Tekserý barysynda jumys berýshiler tarapynan eńbek zańnamasyn oryndamaýdyń kóptegen faktileri anyqtalǵan. Qazaqstannyń eńbek zańnamasynyń buzylý oqıǵalary boı­ynsha jumys berýshiler men zańdy tulǵalar ákimshilik jaýapkershilikke tartylyp, 4 mln. teńgeden astam somaǵa aıyppul tóledi. Jumysshylardyń quqyqtyq saýatyn ashý úshin árdaıym aq­parattyq-túsindirý jumystary júrgizilip, nysandarda jumys­shy­lardyń eńbek zańnamasy boıynsha quqyqtaryn qorǵaıtyn organdardyń málimeti, jaýapty tulǵalar men olardyń baılanys telefondary kórsetilgen aqparattyq stendter ornatylǵan. Qazirgi ýaqytta «Batys Eýropa – Batys Qytaı» jobasynda 110 merdiger jáne qosalqy merdiger otandyq kompanııalar, sheteldik kompanııalardyń bólimsheleri men ókildikteri jumys isteıdi. О́ndiris ornynda tótenshe oqıǵalar men zańnyń buzylýynyń aldyn alý úshin mınıstrlik pen onyń aýmaqtyq organdary eńbek zańnamasynyń saqtalýyn, merdiger jáne qosalqy merdiger kom­pa­nııalardyń jumysshylarǵa ýaqytyly jalaqysyn tóleý máselesin baqylaýǵa alǵan. Sonymen qatar, jobaǵa jańadan qatysýshy ju­mys berýshilerge Qazaqstan Respýblıkasynyń eń­bek zańnamasyn saqtaý máselesi boıynsha jáne jol qury­ly­synda eńbek qaýip­siz­digin saqtaý sharalary jóninde usynys hattar jiberiledi. «Egemen-aqparat».