Qaraǵandyda beıneleý óneri murajaıyn sý basty

Qaraǵandydaǵy beıneleý óneri murajaıyn sý basyp, sýretter sýda kólkip júr. Qordaǵy 50-ge jýyq qundy kartına búlindi! Qarlagtyń qapasynda ja­typ, qylqalamymen aqı­qatty anyq bederlegen Alla Vasıleva syndy ataqty sýretshilerdiń birnesheýiniń maıly boıaý muralary zardap shekken. Jáne bul jaǵdaı birinshi emes. Sebebi, atalmysh mu­rajaı kóp qabatty tur­ǵyn úıdiń birinshi qa­batynda ornalasqan. Mý­­­­zeı ornalasqan úı­­di ba­­qylaýshy «MBK Kara­ganda» kompa­nııa­synyń, sondaı-aq, tótenshe jaǵ­daı­lar qyzmeti maman­darynyń aıtýynsha, ys­tyq sý qubyrlarynyń biri jarylǵan. Zalaldyń bir ushy kóp qabatty úıdiń jertólesinde kúneltip jatqan úıi men kúıi joq­tardan da kelýi múmkin. Qubyrdyń túbine jylynamyn dep, ózi shirip turǵan ystyq sý qubyryn solar úzip jibergen bolý kerek... Qazir arnaıy qurylǵan komıssııa apattyń sebep-saldaryn anyqtap, kelti­rilgen shyǵyn kóle­min esep­tep jatyr. Mýzeı dırektory Bıbi­gúl Qudabaeva men onyń orynbasary tarıhshy Te­mir­ǵalı Arshabekov mun­daı jaǵdaı qaıtalanbaý úshin murajaıdy jeke ǵı­ma­ratqa kóshirýdi surap otyr. – Biz áli de bolsa bul másele oń she­shim ta­ba­tynyna senim­dimiz. El murasy, rýhanı qun­dylyq­tardy jergilikti basshylar da, Úkimet te nazardan tys qaldyrmaıdy degen oıdamyz, – deıdi olar. Mıras ASAN, «Egemen Qazaqstan» QARAǴANDY