Jańǵyrtýdan jastar da syrt qalmaıdy

Qazaqstan Prezıdentiniń bıylǵy Joldaýyn talqylaý, memlekettik bıliktiń tarmaqtary arasynda ókilettilikterdi qaıta bólý, jastardyń ótkir máselelerin ortaǵa salý – osy kezdesýdiń basty taqyryby boldy. Májilis depýtaty Baqtııar Máken oblysta osyǵan deıin ju­mys­­shylarmen, zııaly qaýym ókil­deri­men, stýdenttermen bolǵan kez­de­sý­lerden alǵan áserin baıandady. – Jastarmen júzdesýge men ár­qashan asyǵyp turamyn. Búgin Jáńgir han atyndaǵy agrar­lyq ýnıversı­tet stýdentteri­men kez­destik. О́te oryn­dy, utymdy usy­nystar aıtyldy. «Bolashaq» qaýym­dastyǵynyń osy óńirdegi bólim­shesine de dán rızamyn. Ár­daıym uıymshyl, el taǵdyry she­shi­letin máselelerge sergek qarap, bas­ta­maǵa ún qosyp otyrady. Onyń ústine Batys Qazaqstan oblysyn basqaryp otyrǵan Altaı Kólginov te «Bolashaq» baǵdarlamasynyń túlegi ǵoı. Sondyqtan, bul óńirde jastar pikirine, jastar máselesine erekshe kóńil bólinedi, – dedi depýtat. Baqtııar Máken Konstıtýsııa­ǵa engizi­letin ózgerister, bılik bóli­nisi sekildi taqyryptarǵa jer­­gi­lik­ti jastardyń kózqarasyn bilý depý­­tat­­tar úshin óte mańyzdy eke­nin má­lim­dep, buryn elimizde bol­ǵan «Jastar Parlamenti» joba­sy qaı­ta jan­danatynyn aıt­ty. Jas­tar Pa­r­lamentine saıası kóz­qara­sy qa­lyp­tasqan kóshbasshy jas­tar irikte­lip alynbaq. Olar jalań uran­men ju­mys istemeı, zań tetikterine qat­ys­ty naqty usy­nystar aıta ala­tyn­daı kúsh bolýy tıis. Jobaǵa óńir­degi «Bo­lashaq» túlekteri kóbirek tartylmaq. Kezdesýde Aqjaıyq óńirinde qyz­met etip júrgen bolashaqtyq maman­dar, jastar serkeleri ashyq-jar­­qyn oı bólisip, kóptegen usy­nys­ty ortaǵa saldy. «Bolashaq» qaýymdastyǵy BQO boıynsha fılıalynyń jetekshisi Saltanat Túmenbaevanyń aıtýyn­sha, búginde óńirde «Bolashaq» baǵ­darlamasynyń 140-tan asa tú­legi ártúrli salada eńbek etip júr. Qazbek QUTTYMURATULY, «Egemen Qazaqstan» ORAL