Májilismendermen kezdesti

«Jas Otan» jastar qanaty Astana qala­lyq fılıaly Elbasy N.Á.Nazarbaevtyń Prezıdent ókilettilikterin bılik tarmaq­taryna bólý týraly Úndeýin jáne «Qazaq­stannyń Úshinshi jańǵyrýy: jahandyq básekege qabilettilik» Joldaýyn talqy­laý úshin jastarmen kezdesý ótkizdi. Is-sharaǵa Parlament Májilisiniń depýtattary Pavel Kazansev, Jámıla Nurmanbetova, Baqyt­jan Ábdiraıym, Jeksenbaı Dúısebaev, Zaǵıpa Balıeva, S.Seıfýllın atyndaǵy Qazaq agro­te­h­­­nıkalyq ýnıversıteti rektorynyń birinshi oryn­basary Aıtjan Ábdirov jáne stýdentter qatysty. Kezdesýge qatysýshylar Májilis depý­tat­taryna oılandyrǵan suraqtaryn qoıa aldy. Atap aıtqanda, S.Seıfýllın atyndaǵy Qazaq agroteh­nıkalyq ýnıversıtetiniń 3-kýrs stýdenti Aısultan Baǵdat ýaqytsha mindetti tirkeý zańyna baılanysty suraǵyn qoıǵan bolatyn. – Ýaqytsha mindetti tirkeý zańy engizilgen­nen beri páter jaldap turýshy stýdentterge aýyr tıdi. Páter ıeleri tirkeýge turǵyzǵany úshin páter­aqy­ny joǵarylatýda, al keıbir páter ıeleri tirkeý­ge tur­ǵyzbaımyz dep páterlerinen qýýda. Osy má­se­leni sheshýge qandaı kómek bere alasyzdar? – dedi ol. – Olar zań boıynsha sizdi tirkeýge mindet­ti. Eger de tirkeýden bas tartyp jatqan jaǵdaı­lar­da siz bizge shaǵymdanyńyz, – dep jaýap qaıtar­dy Parlament Májilisiniń depýtaty Zaǵıpa Balıeva. Sonymen qatar, kezdesýde Ulttyq biryńǵaı testileýdiń jańa reformasy, bilikti mamandardyń jetispeýi, qajetti tehnologııalardy satyp alýǵa qarajattyń az bólinýi týraly suraqtar qoıyldy. Jaqsybaı SAMRAT, «Egemen Qazaqstan» ASTANA