El ekonomıkasynda ár aımaq mańyzdy

Parlament Senatynyń depýtaty Qýanysh Aıtahanov Ońtústik Qazaqstan oblysyna jumys babyndaǵy sapary barysynda Saryaǵash aýdanynda boldy. Senator Saryaǵash qalasynda aýdan aktıvimen, jer­gilikti máslıhat depýtattarymen, qoǵamdyq uıym­dar jáne buqaralyq aqparat quraldary­nyń ókil­derimen, aýyl turǵyndary jáne jas­tar­men kez­desti. Júzdesýde Memleket basshysy N.Nazarbaevtyń «Qazaqstannyń Úshinshi jań­ǵy­rýy: jahan­dyq básekege qabilettilik» atty halyqqa Jol­­­daýy men konstıtýsııalyq reformalardy tú­sin­­dirý jáne nasıhattaý jóninde jan-jaqty áńgime órbidi. Joldaýdaǵy bes negizgi basymdyqqa toqtalǵan senator elimizdiń ekonomıkasyn órkendetýde ár óńir­diń mańyzy bar ekenin erekshe atap ótti. Stra­te­gııalyq qujatta Elbasy alǵa qoıǵan mindetter aıa­syn­da 2050 jylǵa qaraı álemdegi eń damyǵan 30 el­diń qataryna ený úshin ekonomıkadaǵy shaǵyn jáne orta bıznestiń úlesin 50 paıyzǵa arttyrý jáne shıki­zat­tyq emes eksportty damytý qajettiligi aıtyldy. Jıyn barysynda «Nur Otan» partııasy Saryaǵash aýdandyq bólimshesi tóraǵasynyń birinshi orynbasary Polat Tursynbaev aýdan kóleminde Prezıdenttiń halyqqa Joldaýy men Úndeýin túsindirý jumystary keńinen júrgizilip jatqanyn aıtyp ótti. «Jas Otan» jastar qanaty Saryaǵash aýdandyq bólimshesiniń tóraǵasy, Saryaǵash aýdandyq jastar ortalyǵynyń ınspektory Nurǵalı Otarov Joldaýda aıtylǵan maqsat pen mindetterdiń jastarǵa qatysty tustaryna toq­tala kelip, qoıylǵan mindetterdiń jaýapty ekenin jáne jastarǵa zor úmit artylǵanyn jetkizdi. Jıyn sońynda aýdan halqy Elbasynyń halyq­qa Jol­daýyna qatysty suraqtar qoıyp, stra­tegııa­lyq qujatty biraýyzdan qoldaıtyndaryn bildirdi. Ǵalymjan ELShIBAEV, «Egemen Qazaqstan» Ońtústik Qazaqstan oblysy