О́ndiris jaǵdaıymen tanysty

Májilis depýtattary Roman Kım, Aıqyn Qońyrov, Berik Ospanov Semeı qalasy­nyń iri óndiris oryndarynda bolyp, jumysshylarmen kezdesý ótkizdi. Olar halyqqa Elbasynyń Joldaýy­nyń mańy­zyn túsindirdi. Jáne konstıtý­sııa­l­yq refor­maǵa qajetti saýaldar men usynys­tardy jazyp aldy. Májilis depýtattary eń aldymen «Semeı» sement zaýytynda bolyp, sement ónimin óndirýdegi eń joǵary tehnologııalarmen tanysty. «Elbasynyń árbir Joldaýy bizdiń aldymyzǵa uzaq jyldarǵa arnalǵan tapsyrmalar júkteıdi, – dedi Berik Ospanov. – «Jańa baǵdarlama: Jańǵyrtý 3.0» aldaǵy jyldardyń damý jolyn aıqyndap berdi. Sondyqtan da sement zaýyty Qazaqstandy jańǵyrtýǵa molynan úles qosady dep oılaımyz». Al endi «SemAZ» JShS-degi kezdesý kezinde ha­lyq qalaýlylary jumysshy mamandyqtarǵa tur­ǵyn­­dar­dy kóbirek tartý máselesine erekshe nazar aýdar­­dy. Elbasynyń tapsyrmasymen ótken jyldan bas­­tap, «Eńbek» jumyspen qamtý baǵdarlamasy qolǵa alyn­ǵan. Ony tolyqqandy júzege asyrǵan jón. Depý­tat­tardyń aıtýynsha, buǵan «Nurly jer», «Nur­ly jol» baǵdarlamalary da qosymsha kómek bolady. «Jaqynda ǵana álemdik qoǵamdastyq USB 3.0 arnasynyń tusaýyn kesti. Bul – hat-habar almasýdaǵy 10 ese jyldamdyq. Biz de «Jańǵyrtý 3.0» arqyly óndiristiń qýatyn ulǵaıtýǵa kúsh salýmyz kerek, – dedi depýtat Aıqyn Qońyrov. – Ekonomıka álem boıynsha óte jyldam damýda. Bizdiń de kósh sońynda qalyp qoımaýymyz kerek». Raýshan NUǴMANBEKOVA, jýrnalıst SEMEI