Semeı erteńine senimmen qaraıdy

«Nur Otan» partııasy Tóraǵasynyń birinshi orynbasary Semeıde boldy. Muhtar Qul-Muhammed óńirdegi elektr qýatynyń jańǵyrýy barysymen tanysty, sondaı-aq jańa jedel járdem aýrýhanasynda dárigerlermen júzdesip, Elbasynyń Qazaqstan halqyna Joldaýynda belgilengen densaýlyq saqtaý salasyn damytýǵa baǵyttalǵan basym baǵyttaryn talqylady. Semeı qalasyndaǵy ózekti problemalardyń biri – jylýmen qamtamasyz etý máselesi. Jergilikti energetıkalyq ın­fraqurylymnyń ábden tozyǵy jetkendikten jıi buzylyp, qys mezgilinde turǵyndarǵa qıynshylyqtar týǵyzady. Prezıdenttiń tapsyrmasy boıynsha bul jerde elektr qýatyn túbegeıli qaı­ta qurý bastalyp ketti. Qala­nyń soltústik jaǵalaýy bóli­gindegi turǵyn úı men ákim­shi­lik ǵı­marattardyń 10 paıy­zyn jylý­men qamtama­syz ete­tin №1 jylý-energe­tı­kalyq or­ta­­lyǵyn jańartý jumys­tary aıaqtaldy dese de bo­lady. Jer­gilikti turǵyn­dar jańar­tyl­ǵan jylý-energe­tıkalyq orta­lyǵynyń iske qosylýyn asyǵa kútýde, alaıda, ol úshin áli de mıllıardtan astam teń­ge qarajat qajet. Jobany aıaǵy­na deıin jetkizý úshin óńir bas­­shysy «Nur Otan» partııasy­nan kómek surady. «Nur Otan» partııasy Tóraǵasynyń birinshi oryn­basary «100 mektep, 100 aýrý­ha­na» prezıdenttik baǵdar­la­ma­­synyń sheńberinde qalada jańadan salynǵan medısı­nalyq jedel járdem aýrýhana­syn­daǵy sáýle aýrýyna shal­dyqqan adamdardyń muń-muq­tajdaryna erekshe nazar aýdardy. Semeı polıgonyndaǵy ıad­rolyq jarylystardyń sal­darynan aımaqtaǵy onkolo­gııa aýrýynyń deńgeıi joǵa­ry. Alaıda, dál osy ýaqyt­qa deıin munda zamanaýı dıag­nostıkalyq ortalyq bolmaǵan edi, sondyqtan da qaterli isik aýrýyna dýshar bolǵandarǵa basqa qalalar men álem elde­riniń aýrýhanalaryna baryp emdelýine týra keletin, muny kópshiliktiń qaltasy kótere ber­meıdi. Zamanaýı medısınalyq jedel járdem aýrýhanasynyń iske qosylýyna baılanysty mundaı qajettiliktiń keregi bolmaı qaldy. Aldyńǵy qa­tar­ly eýropalyq qural-jabdyq­tar keshendi dıagnostıkany jasaýǵa jáne eń alǵashqy kezeń­degi sáýle aýrýynyń belgi­lerin anyqtaýǵa múmkindik beredi, bul óz kezeginde, emniń tıimdiligin arttyra túsedi. Tek qana aýrýhanalardyń tehnıkalyq jabdyqtalýyna memleket 2,5 mıllıardtan as­tam teńge saldy, al jobanyń jalpy quny 10 mıllıard teńgeden asady. Jyl saıyn medısınalyq jedel járdem aýrýhanasy 30 myńnan astam adamdy qabyldaı alady. Semeıdegi dárigerlermen áńgimelesý kezinde Muhtar Qul-Muhammed Prezıdent jarııa etken «Úshinshi jań­ǵy­rý­dyń» búkil Qazaqstandy qamtı­tynyn jáne densaýlyq saqtaý salasynyń da odan tys qal­maıtynyn atap ótti. «Mem­leket basshysynyń Jol­daýynda áleýmettik másele­lerge, onyń ishinde densaýlyq saqtaý salasyna aıryqsha kóńil bólingen. Elimizde 1 shil­de­den bastap jalpy álemdik tájirıbeniń tıimdiligine negiz­delgen mindetti medısınalyq saqtandyrý júıesi engiziledi. Biz buǵan daıyn bolyp, me­dısınalyq qyzmet kórsetý salasynyń aıasyn meılinshe keńeıtýimiz qajet», – dedi «Nur Otan» partııasy Tóraǵasynyń birinshi orynbasary. О́ńirdiń medısına qyz­metkerleri Muhtar Qul-Mu­­hammedke Elbasynyń Qa­zaq­stan halqyna Joldaýymen mu­qııat tanysyp shyqqandaryn aıtyp, Memleket basshysy bel­­gilep ber­gen el damýy­nyń ba­ǵytyn tolyq qoldaı­tyn­daryn jet­kizdi. Raýshan NUǴMANBEKOVA SEMEI