Senatorlar sapary senimnen shyǵýda

Parlament Senaty Ekonomıkalyq saıasat, ınnovasııalyq damý jáne kásipkerlik komıtetiniń tóraǵasy Asqar Beısenbaev pen senator Álı Bektaev Ońtústik Qazaqstan oblysynda jumys babyndaǵy saparmen boldy. Senatorlar Sozaq aýdanynda bolyp, aýdandyq máslıhat depýtattarymen, ardagerlermen jáne jastar uıymdarynyń, shaǵyn jáne orta bıznestiń ókilderimen, aýyl sharýashylyǵy eńbekkerlerimen kezdesti. A.Beısenbaev jurtshylyqty Prezıdent N.Nazarbaevtyń konstıtýsııalyq reformalar týraly aıtqan bastamasy týraly habardar etti. Senator Úki­metti jasaqtaýdaǵy jáne onyń qyzmetin baqylaýdaǵy Parla­ment rólin kúsheıtý týraly aıta kelip, Qazaqstannyń saıa­sı júıesi «myqty Prezıdent, be­deldi Parlament, esepti Úki­met» tujyrymdamasyna negiz­de­leti­nin atap ótti. Senator Álı Bektaev Mem­leket basshysynyń «Qazaq­stan­nyń Úshinshi jańǵyrýy: ja­han­dyq básekege qabilettilik» Jol­daýynan týyndaıtyn min­det­terge oraı ekonomıkasy ór­kendegen jáne aldyńǵy qatar­daǵy 30 eldiń qataryna ený jónin­degi bes basymdyq týraly egjeı-tegjeıli áńgimeledi. Depýtattar Báıdibek jáne Oty­rar aýdandarynda da bolyp, Arys jáne Kentaý qalalaryna atta­nyp ketti. * * * Senat depýtattary Muhtar Altynbaev, Ikram Adyrbekov jáne Lázzat Qıynov Almaty qalasynda elimizdiń Qarýly Kúshteri Aeromobıldi áskeriniń basshylyǵymen jáne jeke quramymen kezdesti. Shara barysynda bılik tar­maqtary arasyndaǵy ókilet­tik­terdi qaıta bólý jónindegi reformalar, sondaı-aq, Memleket bas­shysynyń «Qazaqstannyń Úshinshi jańǵyrýy: jahandyq báse­kege qabilettilik» halyqqa Jol­daýynyń negizgi mindetteri tal­qy­landy. Senator M.Altynbaev Úki­metti jasaqtaý jáne onyń qyz­metin baqylaýdaǵy Parlament róli­­niń kúsheıýi, sondaı-aq, bılik tar­maqtary ókilettikterin qaıta bólý týraly áskerı qyzmet­ker­lerdi habardar etti. Odan bas­qa, Prezıdent Joldaýyndaǵy bes basymdyq pen keshendi min­det­terdi iske asyrý barysy talqy­landy. Áskerı qyzmetkerler Mem­leket basshysynyń strategııalyq josparlaryna qoldaý bildirip, Prezıdent bastamalary men ás­kerı qyzmet máselelerine qa­tysty senatorlarǵa birqatar saýaldar qoıdy. * * * Parlament Senatynyń depýtaty S.Ershov Temirtaý qalasyna jasaǵan jumys sapary kezinde elimizdi jańǵyrtýdy nátıjeli júzege asyrý jáne odan ári demokratııalandyrý úshin birinshi kezekte qoǵamnyń aýqymdy qoldaýynyń, sondaı-aq, memleket pen qoǵamnyń kúsh biriktirýiniń qajet ekendigin atap ótti. Senator «Arselor Mıt­tal Te­mirtaý» AQ eńbek ujymy­men, más­lıhat depýtattarymen, mem­­lekettik organdar jáne bıýd­jettik uıymdardyń qyz­met­­ker­lerimen, «Álem» balalar men jas­tar ortalyǵynyń qyzmet­ker­­­lerimen, sondaı-aq, jas­tar uıym­­darynyń ókilderimen kez­desti. Kezdesý barysynda bılik tar­­maqtary arasyndaǵy ókilet­tikterdi qaıta bólý jónindegi aldaǵy reformalar, Elbasynyń «Qazaqstannyń Úshinshi jań­ǵy­rýy: jahandyq básekege qabilettilik» Joldaýynyń basty baǵyttary talqylandy. S.Ershov Úkimetti ja­saq­taý men onyń qyzmetin baqy­laý­­daǵy Parlamenttiń róli ul­ǵaıa­tyndyǵy, Parlament pen Úki­­metke Prezıdenttiń qandaı ókilettiligi beriletini, jergilikti mem­lekettik basqarý jáne ózin ózi basqarý organdary qyzmetiniń qu­qyqtyq negizderin odan ári je­tildirý jaıynda jan-jaqty aıtyp berdi. Sonymen qatar, Pre­zı­dent Joldaýynyń bes negizgi ba­sym­dyqtary men alda turǵan keshendi mindetter de talqylandy. * * * Parlament Senatynyń depýtaty Erbolat Muqaev Oral qalasyndaǵy Qazaqstan ınnovasııalyq jáne telekom­mýnı­kasııalyq júıeler ýnıversıtetiniń professorlyq-oqytýshylar quramymen jáne stýdenttermen kezdesti. Senator kezdesý barysynda bılik tarmaqtary arasyndaǵy ókilettikterdi qaıta bólý týraly reformalar men Memleket bas­shysynyń «Qazaqstannyń Úshin­shi jańǵyrýy: jahandyq básekege qabilettilik» Joldaýyndaǵy basym mindetterdi túsindirýge oraı áńgime ótkizdi. Prezıdent Joldaýyndaǵy bes ne­gizgi basymdyqty talqy­laı kelip, senator elimizdi jań­­ǵyrtý jáne odan ári demo­kra­tııalandyrý úshin eń aldy­men aýqymdy qoǵam­dyq qoldaý jáne memleket pen qoǵam­nyń kúsh-jigerin biriktirý qajet ekenin atap ótti. Qazaqstan ınnovasııalyq jáne telekommýnıkasııalyq júıeler ýnıversıtetiniń professorlyq-oqy­týshylar quramy men stýdent­ter qaýymy qolǵa alynǵan refor­malardyń mańyzdylyǵy men ýa­qytynda júzege asyp jatqanyn atap ótti. * * * Senat depýtattary Ertarǵyn Astaev pen Muratbaı Joldasbaev Jambyl oblysynda jumys babyndaǵy saparda boldy. Senatorlar Qordaı aýdanyndaǵy Otar jáne Qarasaı aýyldarynda kezdesýler ótkizip, aýyl turǵyndaryna bılik tarmaqtary arasyndaǵy ókilettikterdi qaıta bólý jónindegi reformalardyń mańyzyn túsindirdi. Sondaı-aq, Memleket basshy­synyń «Qazaqstannyń Úshinshi jańǵyrýy: jahandyq básekege qabilettilik» atty halyqqa Jol­daýynan týyndaıtyn basym mindetter týraly habardar etti. Depýtattar konstıtýsııalyq reformalardy zańnamalyq turǵyda qoldaý, Parlamenttiń zań shyǵarý qyzmeti jónindegi josparlary týraly áńgimeledi. E.Astaev óz sózinde elimizdi odan ári jańǵyrtýdaǵy, jergilikti memlekettik jáne ózin ózi basqarýdy damytýdaǵy aldaǵy mindetterge toqtaldy. Aımaqty áleýmettik damytý já­ne ınnovasııalyq ekonomıkany qalyptastyrý jónindegi min­det­terge basa nazar aýdaryldy. Senatorlar Jambyl aýda­nyn­daǵy Asa aýylynda aýdan aktıvimen kezdesti. Talqylaý bary­synda jarııa etilgen baǵdar­lamalyq qujattyń mańyzdylyǵy atap ótildi. Kezdesýde Senat depýtaty M.Joldasbaev Prezıdenttiń Joldaýy Qazaqstannyń álemniń eń damyǵan 30 eliniń qataryna ený jónindegi mindetterdi oryndaýdy kózdeıtinin atap ótti. * * * Parlament Senatynyń depýtaty Serik Jaqsybekov Astana qalasynda kezdesýler ótkizdi. «Astana Solar» JShS-niń eńbek ujymymen kezdesip, Prezıdent N.Nazarbaevtyń konstıtýsııalyq reformalar jónindegi Úndeýin túsindirdi. Sondaı-aq, kópshilikpen Mem­­leket basshysynyń «Qazaq­stannyń Úshinshi jańǵyrýy: jahan­dyq básekege qabilettilik» atty halyq­qa Jol­daýynyń ereje­lerin tal­qylady. Bul kásiporyn eli­mizde alǵash ret otandyq krem­nıı ne­gizinde fotoelektr taqta­laryn óndirýdi qolǵa alǵan bolatyn. Senator S.Jaqsybekov «As­ta­na­energoservıs» AQ-ta da boldy. Onda eńbek ujymy Memle­ket basshysynyń strategııalyq bas­­tamalarymen jaqsy tanys eke­nin kórsetip, ony talqylaýda bel­sendilik tanytty. Depýtat L.N.Gýmılev atyn­daǵy Eýrazııa ulttyq ýnıversı­te­tinde ótken dóńgelek ústel oty­rysyna qatysty. Memlekettik bılik júıesin reformalaý, onyń ishinde Prezıdent ókilettikterin qaıta bólý men Úkimettiń qyzmetin baqylaý jónindegi Parlamenttiń rólin kúsheıtý týraly máseleler talqyǵa salyndy, dep habarlady Parlament Senatynyń baspasóz qyzmeti.